આજે આરબીઆઇ તરફથી મધ્યમ વર્ગને રાહત મળી શકે છે. આરબીઆઇની નાણાકીય નીતિ સમિતિની બેઠકનો આજે છેલ્લો દિવસ છે. જે દરમિયાન આરબીઆઇ ગર્વનર વ્યાજદરોમાં ઘટા઼ડાની જાહેરાત કરી શકે છે. એકવાર ફરી રેપો રેટમાં ઘટાડો આવી શકે છે. આ પહેલા પણ આરબીઆઇ દ્વારા 6 મહિનામાં 2 વાર રેપો રેટમાં ઘટાડો કર્યો હતો. ત્યારે હવે જો ફરી આજે ત્રીજીવાર રેપોરેટ ઘટાડે તો હોમલોન અને કાર લોન તથા અન્ય ઇએમઆઇ સસ્તી થઇ શકે છે.

કેટલો ઘટી શકે રેટ

આરબીઆઇ 0.25 ટકા રેપો રેટ ઘટાડી શકે છે. કારણ કે દેશમાં રિટેલ મોઁઘવારી દર 4 ટકાથી નીચે છે. જે આરબીઆઇના ટારગેટ મુજબ છે. આથી નીતિગત વ્યાજદરોમાં સતત ત્રીજીવાર ઘટાડો થઇ શકે તેવી સંભાવના વધારે છે. આ ઉપરાંત અમેરિકા અને ટેરિફ વોર શરૂ કર્યા બાદ ત્યાં ઇમ્પોર્ટ ટેક્સ વધારવામાં આવ્યો છે. જે ભારત જેવા એક્સપોર્ટ ઇકોનોમી માટે થોડું નુકસાનદાયક છે. એવામાં આરબીઆઇ દ્વારા વ્યાજદરોમાં ઘટાડો કરવાથી દેશમાં મૂડી ખર્ચ ઘટશે. દેશની ઇકોનોમી ગ્રો કરવામાં મદદ કરશે. બજારમાં કેશ ફ્લો વધવાને કારણે, દેશમાં સ્થાનિક માંગ પણ વધશે, જે હાલમાં અર્થતંત્ર માટે જરૂરી છે

RBI ગવર્નર સંજય મલ્હોત્રાના નેતૃત્વ હેઠળના છ સભ્યોના MPC એ એપ્રિલમાં જ પોતાનું નીતિગત વલણ બદલ્યું હતું. હાલમાં, નાણાકીય નીતિ પર RBIનું વલણ મધ્યમ એટલે કે ઉદાર રહે છે.

અગાઉ ક્યારે ઘટ્યો હતો રેટ ?

9 એપ્રિલે કરાયો હતો ઘટાડો

મહત્વનું છે કે 9 એપ્રિલના રોજ પણ RBIએ લોનધારકોને મોટી રાહત આપી હતી. રિઝર્વ બેંક ઓફ ઈન્ડિયા RBI ની મોનેટરી પોલિસી કમિટી (MPC) આજે રેપો રેટ ઘટાડવા અંગે નિર્ણય લીધો હતો.. RBI ફરી એકવાર રેપો રેટમાં 0.25 બેસિસ પોઈન્ટનો ઘટાડો કરીને 6 ટકા કરાયો હતો..

ફેબ્રુઆરીમાં પણ કર્યો હતો ઘટાડો

ફેબ્રુઆરી 2023 થી RBI એ રેપો રેટ 6.5% પર સ્થિર રાખ્યો હતો, જે ફેબ્રુઆરી 2025 માં ઘટાડીને 6.25% કરવામાં આવ્યો હતો. લગભગ પાંચ વર્ષમાં આ પહેલી વાર હતું જ્યારે નીતિગત વ્યાજ દરોમાં ઘટાડો કરવામાં આવ્યો હતો.

વ્યાજ દરમાં ત્રીજી વખત ઘટાડો થશે

આરબીઆઈ આ વખતે પણ તેના રેપો રેટમાં 0.25 ટકાનો ઘટાડો કરે તેવી અપેક્ષા છે. આનું એક વાજબી કારણ છે. દેશમાં સરેરાશ છૂટક ફુગાવાનો દર 4 ટકાથી નીચે રહે છે. જે આરબીઆઈના લક્ષ્યાંક અનુસાર છે તેથી સતત ત્રીજી વખત નીતિગત વ્યાજ દરમાં ઘટાડો કરવાની અપેક્ષા વધી છે. ત્યારે જોવાનું એ રહેશે કે આરબીઆઇ 0.25 ટકાનો ઘટાડો કરે છે કે 0.50 ટકાનો.