નાના દુકાનદારો માટે સારા સમાચાર...GST રિટર્નને લઈને બદલાયા નિયમ, કોને થશે ફાયદો?

• નાના દુકાનદારોને મોદી સરકારે નવા વર્ષની આપી ભેટ 
  
• આજથી GST રિટર્ન ફાઇલ કરવાના નિયમ બદલાયા 
• નાના દુકાનદારોએ GST રિટર્ન ફાઈલ કરવા માટે ફોર્મ ભરવાની જરૂર નહીં

આજથી, GST રિટર્ન ફાઇલ કરવાના નિયમ બદલાયા છે. મોદી સરકારે નાના દુકાનદારોને નવા વર્ષની ભેટ આપી છે. આ ભેટ રૂ. 2 કરોડ સુધીનો ટેક્સ ભરનારાઓ માટે છે. હવે નાના દુકાનદારોએ GST રિટર્ન ફાઈલ કરવા માટે ફોર્મ ભરવાની જરૂર રહેશે નહીં. 

નાણા મંત્રાલયે નિયમોમાં ફેરફારની માહિતી કરી શેર 

નાણા મંત્રાલયે તેના ઓફિશિયલ એક્સ એકાઉન્ટ પર નિયમોમાં ફેરફારની માહિતી શેર કરી છે. નાણા મંત્રાલયે આ નવા નિર્ણયનો સંદર્ભ નોટિફિકેશન નંબર 32/2023-CT પર આધારિત કર્યો છે, જે મંત્રાલય દ્વારા 31 જાન્યુઆરી, 2023ના રોજ બહાર પાડવામાં આવ્યો હતો. આદેશ અનુસાર, હવે 2 કરોડ રૂપિયા સુધીનું ટર્નઓવર ધરાવતા નાના દુકાનદારોને GSTR-9 ભરવાની જરૂર રહેશે નહીં. આ ફોર્મ વાર્ષિક GST રિટર્ન ફાઈલ કરવા માટે ફાઈલ કરવામાં આવે છે, પરંતુ હવે આ ફોર્મ ભરવાની જરૂર રહેશે નહીં

GST રિટર્ન ફાઇલ કરનારા લોકોની સંખ્યામાં વધારો થયો છે

નાણા મંત્રાલયે અન્ય એક ટ્વીટમાં માહિતી આપી હતી કે છેલ્લા 5 વર્ષમાં દેશમાં GST રિટર્ન ફાઈલ કરનારા લોકોની સંખ્યામાં વધારો થયો છે. દેશમાં હવે લગભગ 65 ટકા લોકો ગુડ્સ એન્ડ સર્વિસ ટેક્સ (જીએસટી) રિટર્ન ફાઈલ કરે છે. એપ્રિલ 2023 સુધીમાં GST રિટર્ન ફાઈલ કરનારાઓની સંખ્યા વધીને 1.13 કરોડ થઈ ગઈ છે. GST રજિસ્ટ્રેશન કરનારા લોકોની સંખ્યા પણ વધીને 1.40 કરોડ થઈ ગઈ છે, જે એપ્રિલ 2018માં 1.06 કરોડ હતી.

GST નોંધાયેલા 90 ટકા લોકો ચાલુ નાણાકીય વર્ષમાં GSTR-3B રિટર્ન ફાઇલ કરે છે. GST લાગુ થયાના એક વર્ષ પહેલા 2017-18માં આ આંકડો 68 ટકા હતો. દેશમાં જુલાઈ 2017માં ગુડ્સ એન્ડ સર્વિસ ટેક્સ (GST) લાગુ કરવામાં આવ્યો હતો. આમાં એક્સાઇઝ ડ્યુટી, સર્વિસ ટેક્સ અને વેટ જેવા સ્થાનિક કરનો સમાવેશ કરવામાં આવ્યો હતો.