10 ફેબ્રુઆરીના રોજ રૂપિયો 87.94ના અત્યાર સુધીના નીચલા સ્તરે પહોંચી ગયો હતો. ત્યારથી, તેમાં 1.94 રૂપિયાની રિકવરી જોવા મળી છે એટલે કે 2.20 ટકાનો વધારો થયો હતો. જ્યારે જાન્યુઆરી મહિનામાં ડોલર ઇન્ડેક્સ 110ના સ્તર પર આવી ગયો હતો. જેમાં અત્યાર સુધીમાં 5 થી 6 ટકાનો ઘટાડો જોવા મળ્યો છે. રૂપિયાએ બે વર્ષમાં સૌથી મોટો કડાકો બોલ્યો છે. જેના કારણે ડોલરની દિવાલ ધરાશાયી થઈ ગઇ છે.
રૂપિયામાં મોટો ઉછાળો
છેલ્લા 6 ટ્રેડિંગ દિવસોમાં સતત વધારો દર્શાવીને રૂપિયામાં બે વર્ષમાં સૌથી વધુ તેજી આવી અને ડોલરની દિવાલ તૂટી પડી. આ સમયગાળા દરમિયાન, ડોલર સામે રૂપિયો 1.23 રૂપિયા વધ્યો. આનો અર્થ એ થયો કે રૂપિયામાં લગભગ દોઢ ટકાનો વધારો જોવા મળ્યો. ખાસ વાત એ છે કે રૂપિયો 10 ફેબ્રુઆરીએ 87.94 ના જીવનકાળના નીચલા સ્તરે પહોંચી ગયો હતો. ત્યારથી, તેમાં 1.94 રૂપિયાની રિકવરી જોવા મળી છે એટલે કે 2.20 ટકાનો વધારો. જ્યારે જાન્યુઆરી મહિનામાં ડોલર ઇન્ડેક્સ 110ના સ્તર પર આવી ગયો હતો. જેમાં અત્યાર સુધીમાં 5થી 6 ટકાનો ઘટાડો જોવા મળ્યો છે.
સ્થાનિક ઇક્વિટી બજારોમાં તીવ્ર વધારા અને નવા વિદેશી મૂડી પ્રવાહને કારણે શુક્રવારે રૂપિયો સતત છઠ્ઠા સત્રમાં 36 પૈસા વધીને અમેરિકન ડોલર સામે 86 પર બંધ થયો. ઇન્ટરબેંક ફોરેન કરન્સી એક્સચેન્જ માર્કેટમાં રૂપિયો 86.26 પર ખુલ્યો હતો. પછી દિવસના વેપાર દરમિયાન 85.93ની ઊંચી સપાટી અને 86.30ની નીચી સપાટીને સ્પર્શ્યો. સત્રના અંતે, ડોલર સામે રૂપિયો 86 પર બંધ થયો, જે તેના અગાઉના બંધ સ્તરથી 36 પૈસાનો વધારો દર્શાવે છે. ગુરુવારે રૂપિયો લગભગ સ્થિર રહ્યો અને અમેરિકન ડોલર સામે માત્ર 1 પૈસાના વધારા સાથે 86.36 પર બંધ થયો. રૂપિયામાં આ સતત છઠ્ઠા સત્રમાં વધારો છે. જે દરમિયાન તે 123 પૈસા વધ્યો છે.
રૂપિયો વધુ મજબૂત થઈ શકે
સ્થાનિક શેરબજારોમાં મજબૂતાઈ અને FII દ્વારા નવા રોકાણોને કારણે રૂપિયો વધવાની અપેક્ષા છે. જો કે, ક્રૂડ ઓઇલના ભાવમાં સકારાત્મક વૃદ્ધિ તીવ્ર વધારાને રોકી શકે છે. USDINRની હાજર કિંમત 85.80 થી 86.25ની રેન્જમાં રહેવાની ધારણા છે. દરમિયાન, ડોલર ઇન્ડેક્સ, જે છ ચલણોની ટોપલી સામે ગ્રીનબેકની મજબૂતાઈને માપે છે. તે 0.19 ટકા વધીને 104.04 પર ટ્રેડ થઈ રહ્યો હતો.
શેરબજારમાં તેજી
વૈશ્વિક તેલ બેન્ચમાર્ક બ્રેન્ટ ક્રૂડ ફ્યુચર્સ 0.29 ટકા ઘટીને $71.79 પ્રતિ બેરલ થયા. સ્થાનિક શેરબજારમાં, 30 શેરો વાળા BSE સેન્સેક્સ 557.45 પોઈન્ટ અથવા 0.73 ટકાના વધારા સાથે 76,905.51 પોઈન્ટ પર બંધ થયા, જ્યારે નિફ્ટી 159.75 પોઈન્ટ અથવા 0.69 ટકાના વધારા સાથે 23,350.40 પોઈન્ટ પર બંધ થયા. એક્સચેન્જ ડેટા અનુસાર, ગુરુવારે વિદેશી સંસ્થાકીય રોકાણકારોએ નેટ ધોરણે રૂ. 3,239.14 કરોડના શેર ખરીદ્યા હતા.
