- ગત સપ્તાહના વધારા બાદ આજે શેરબજારમાં મોટો ઘટાડો
- Sensex 266 પોઇન્ટના ઘટાડા સાથે 67,572 પોઇન્ટ પર બંધ
- Nifty 69 પોઇન્ટના ઘટાડા સાથે 20,122 પોઇન્ટ પર બંધ
ગત સપ્તાહે ભારતીય શેરબજારમાં આવેલા ક્રાંતિકારી વધારા બાદ કારોબારીનો આજનો પહેલો દિવસ નુકસાનીનો સાબિત થયો. ભારતીય શેરબજારમાં ગત સપ્તાહે નિફ્ટી 20,000ની ક્રાંતિકારી સપાટી વટાવી ચૂક્યો હતો. જોકે, આજે સપ્તાહના પહેલા કારોબારી દિવસે નિફ્ટી સહિત તમામ ઇન્ડેક્સ રેડ લાઇન સાથે બંધ થયા છે.
આજે, સેન્સેક્સ 0.39% સાથે 266.40 પોઈન્ટના ઘટાડા સાથે 67,572.23 પોઈન્ટ પર બંધ થયો હતો. તો નિફ્ટીમાં આજે ઘટાડો નોંધાયો હોવા છતાં 20 હજારના આંકની ઉપર બંધ થયો છે. નિફ્ટી 0.35% સાથે 69.80 પોઈન્ટના ઘટાડા સાથે 20,122.55 પોઈન્ટ પર બંધ થયો હતો. જ્યારે, નિફ્ટી બેંક 0.62% સાથે 288.85 પોઈન્ટના વધારા સાથે 45,942.65 પોઈન્ટ પર બંધ થયું હતું.
