ગુરુવારે બપોરે 3.30 કલાકે શેરબજાર નબળી સ્થિતિમાં જ બંધ થયું,  સેન્સેક્સ અને નિફ્ટી બંને લાલ નિશાનમાં જ બંધ થયા. સેન્સેક્સ 138 પોઇન્ટના ઘટાડા સાથે 78,133.23 અંક પર બંધ થયો. જ્યારે નિફ્ટી 92.95 પોઇન્ટના ઘટાડા સાથે 23,603 અંક પર બંધ થયો.  

આજે પણ માર્કેટ લાલ નિશાને બંધ 

નિફ્ટીની સમાપ્તિના દિવસે બજારમાં દબાણ હતું અને સેન્સેક્સ અને નિફ્ટી બંને અંતે ઘટાડા સાથે બંધ થયા. મિડકેપ, સ્મોલકેપ શેરોમાં વેચવાલી જોવા મળી હતી જ્યારે રિયલ્ટી, પીએસઈ, એફએમસીજી શેરોમાં ઘટાડો જોવા મળ્યો હતો. ઓટો, મેટલ, ઓઇલ અને ગેસ ઇન્ડેક્સ ઘટાડા સાથે બંધ થયા. ફાર્મા, આઈટી, બેંકિંગ સૂચકાંકો નજીવા વધારા સાથે બંધ થયા. ખાનગી બેંકોમાં રિકવરીને કારણે નિફ્ટી બેંક નીચા સ્તરથી ઉપર બંધ થયો.

ફાર્મા, આઇટી અને ખાનગી બેંકોને બાદ કરતાં, બધા ક્ષેત્રના સૂચકાંકો લાલ નિશાનમાં બંધ થયા. ઓટો, એફએમસીજી, રિયલ્ટી, કન્ઝ્યુમર ડ્યુરેબલ્સ, મેટલ, પીએસયુ બેંક સૂચકાંકો 1-2 ટકા ઘટ્યા હતા. નિફ્ટી મિડકેપ ઇન્ડેક્સ 1 ટકાના ઘટાડા સાથે બંધ થયો. જ્યારે સ્મોલકેપ ઇન્ડેક્સ 0.3 ટકાના ઘટાડા સાથે બંધ થયો.