ત્રણ દિવસની રજાઓ પછી, ગઇ કાલે બમ્પર તેજી જોવા મળ્યા બાદ, બુધવારે સ્થાનિક શેરબજાર ઘટાડા સાથે ખુલ્યું. શરૂઆતના તબક્કામાં, સેન્સેક્સ અને નિફ્ટી લાલ નિશાનમાં ટ્રેડ થતા જોવા મળ્યા.

આજે 16 એપ્રિલના રોજ ભારતીય શેરબજારની શરૂઆત નબળી રહી છે. બીએસઈ સેન્સેક્સ લગભગ 70 પોઈન્ટનો ઘટાડો જોઈ રહ્યો છે અને 76675 ની આસપાસ ટ્રેડ કરી રહ્યો છે. આ ઉપરાંત, નિફ્ટી 50 પણ 20 પોઈન્ટનો નબળો છે અને 23300 ની નજીક છે. આજે, ભારતીય શેરબજાર માટે વૈશ્વિક બજારમાંથી નબળા સંકેતો આવી રહ્યા છે. આ પહેલા 15 એપ્રિલે બજારમાં મોટી તેજી જોવા મળી હતી.

યુએસ બજારોમાં ઘટાડો

ગયા મંગળવારે અમેરિકન બજારોમાં વેચવાલીનું દબાણ હતું. ડાઉ જોન્સ ઇન્ડસ્ટ્રિયલ 155.83 પોઇન્ટ ઘટીને 40,368.96પર બંધ થયો. S&P 500 ઇન્ડેક્સમાં પણ 9.34 પોઈન્ટનો નજીવો ઘટાડો નોંધાયો અને તે 5,396.63 પર બંધ થયો. આ ઉપરાંત, નાસ્ડેક કમ્પોઝિટ 8.32 પોઈન્ટ ઘટીને 16,823.17 પર બંધ રહ્યો.