કારોબારી સપ્તાહના બીજા દિવસે એટલે કે મંગળવાર અને ઉત્તરાયણના દિવસે શેરબજારની શરૂઆત મજબૂત જોવા મળી. સેન્સેક્સ 9.30 કલાકે 352 પોઇન્ટ વધીને 76,682 અંક પર ખૂલ્યો હતો. જ્યારે નિફ્ટી 114.35 પોઇન્ટ વધીને 23,200 અંક પર ખૂલ્યો. વૈશ્વિક બજારોના મિશ્ર વલણ વચ્ચે મંગળવારે સ્થાનિક શેરબજારો મજબૂત નોંધ સાથે ખુલ્યા. પાછલા ટ્રેડિંગ સત્રમાં, બજાર ભારે ઘટાડા સાથે બંધ થયું હતું.
14 જાન્યુઆરીએ માર્કેટ અપ
મંગળવાર 14 જાન્યુઆરીએ 30 શેરોવાળો બીએસઈ સેન્સેક્સ 76,335ના નજીવા વધારા સાથે ખુલ્યો હતો. તે ખુલતાની સાથે જ એક જોરદાર ઉછાળો જોવા મળ્યો હતો. સવારે 9.25 કલાકે સેન્સેક્સ 405 પોઈન્ટ અથવા 0.53 % વધીને 76,735 પર ટ્રેડ થઈ રહ્યો હતો. તેવી જ રીતે, નેશનલ સ્ટોક એક્સચેન્જ (NSE) નો નિફ્ટી 50 પણ મજબૂત રીતે ખુલ્યો. સવારે 9.30 વાગ્યે, તે 112.95 પોઈન્ટ અથવા 0.49 % વધીને 23,198 પર ટ્રેડ થઈ રહ્યો હતો.
ગ્લોબલ સિગ્નલ્સ
મંગળવારે એશિયા-પેસિફિક બજારોમાં મિશ્ર પ્રદર્શન જોવા મળ્યું. ત્રણ દિવસના ઘટાડા પછી ASX 200 0.55% વધ્યો, જ્યારે જાપાનનો નિક્કી 0.73% અને ટોપિક્સ 0.34% ઘટ્યો. કોરિયાનો કોસ્પી પોઝિટિવ હતો, 0.4% વધ્યો.
અમેરિકન બજારોમાં પણ, રોકાણકારોનો રસ વિવિધ ક્ષેત્રોમાં વહેંચાયેલો રહ્યો. ડાઉ જોન્સ 0.86% ના વધારા સાથે બંધ થયો, રોકાણકારોએ કેટરપિલર, જેપી મોર્ગન અને યુનાઇટેડહેલ્થ જેવા નોન-ટેકનોલોજી શેરો પર ધ્યાન કેન્દ્રિત કર્યું. બીજી તરફ, નાસ્ડેક 0.38% ના ઘટાડા સાથે બંધ થયો, જ્યારે S&P 500 માં 0.16% નો નજીવો વધારો નોંધાયો.