Share Market Opening: શેરબજારની તેજી સાથે શરૂઆત, સેન્સેક્સ 76,047 અંકે ખૂલ્યો

બુધવારે શેરબજારની શરૂઆત તેજી સાથે થઇ હતી. સવારે 9.30 કલાકે સેન્સેક્સ 146 પોઇન્ટના વધારા સાથે 76,047 અંકે ખૂલ્યું. જ્યારે નિફ્ટી 55.90 પોઇન્ટના વધારા સાથે 23,013 અંક પર ખૂલ્યુ હતુ.. વૈશ્વિક બજારોમાં થયેલા વધારાને ટ્રેક કરતા ભારતીય શેરબજારો બુધવારે (29 જાન્યુઆરી) વધારા સાથે ખુલ્યા હતા.  ટાટા મોટર્સ અને મારુતિ સુઝુકી જેવી મોટી ઓટો કંપનીઓના ત્રીજા ક્વાર્ટરના પરિણામો અને વિદેશી રોકાણકારોનું વલણ આજે બજારની દિશા નક્કી કરશે.

લીલા નિશાનમાં ખૂલ્યુ માર્કેટ 

યુએસ ફેડરલ રિઝર્વ બુધવારે વર્ષ 2025 ની તેની પ્રથમ નાણાકીય નીતિની જાહેરાત કરશે. ફેડરલ ઓપન માર્કેટ કમિટી (FOMC) ની બેઠક મંગળવારથી શરૂ થઈ. બજારમાં વ્યાપકપણે અપેક્ષા રાખવામાં આવી રહી છે કે યુએસ ફેડ આ વર્ષની તેની પ્રથમ વ્યાજ દર નીતિમાં દરોમાં કોઈ ફેરફાર કરશે નહીં.

વૈશ્વિક બજારના વલણો 

• ગઈકાલે રાત્રે યુએસ શેરબજારોમાં ઉછાળા બાદ બુધવારે સવારે એશિયન બજારોમાં તેજી જોવા મળી હતી. જોકે, ચંદ્ર નવા વર્ષની રજાને કારણે આજે ઘણા એશિયન બજારો બંધ છે. જાપાનનો નિક્કી 225 ઇન્ડેક્સ 0.62% વધ્યો, જ્યારે ટોપિક્સ ઇન્ડેક્સ 0.39% વધ્યો.
• મંગળવારે યુએસ શેરબજાર વધારા સાથે બંધ થયા. આમાં, ખાસ કરીને ટેકનોલોજી શેરોએ ગયા સત્રના ઘટાડાથી રિકવરી દર્શાવી.
• ડાઉ જોન્સ ઇન્ડેક્સ ૧૩૬.૭૭ પોઈન્ટના વધારા સાથે ૪૪,૮૫૦.૩૫ પર બંધ થયો. S&P 500 ઇન્ડેક્સ 55.42 પોઇન્ટ વધીને 6,067.70 પર બંધ રહ્યો. તે જ સમયે, નાસ્ડેક ઇન્ડેક્સ 391.75 પોઈન્ટના વધારા સાથે 19,733.59 પર બંધ થયો.

ગઈકાલે બજારનો ટ્રેન્ડ કેવો રહ્યો?

છેલ્લા ટ્રેડિંગ સેશનમાં, શેરબજારમાં બે દિવસથી ચાલી રહેલો ઘટાડો અટકી ગયો. મંગળવારે બેન્ચમાર્ક સૂચકાંકો સેન્સેક્સ અને નિફ્ટી વધારા સાથે બંધ થયા. નાણાકીય વ્યવસ્થામાં પ્રવાહિતા દાખલ કરવાના RBIના નિર્ણયને કારણે બેંકિંગ અને વ્યાજ દર સંવેદનશીલ શેરોમાં ભારે ખરીદી થઈ.

30 શેરો વાળા BSE સેન્સેક્સ 535.24 પોઈન્ટ અથવા 0.71 ટકા વધીને 75,901.41 પર બંધ થયા. તે જ સમયે, NSE 50 શેરનો નિફ્ટી 128.10 પોઈન્ટ અથવા 0.56 ટકાના વધારા સાથે 22,957.25 પોઈન્ટ પર બંધ થયો.