સ્થાનિક શેરબજારોમાં ઘટાડાનો ટ્રેન્ડ અટકવાના કોઈ સંકેત દેખાઈ રહ્યો નથી. વૈશ્વિક બજારોના નબળા સંકેતો વચ્ચે સોમવારે (24 ફેબ્રુઆરી) બજાર ફરી એકવાર લાલ નિશાનમાં ખુલ્યા. સોમવારે , નબળા વૈશ્વિક સંકેતો અને FII વચ્ચે મુખ્ય બેન્ચમાર્ક સૂચકાંકો નિફ્ટી 50 અને સેન્સેક્સ પ્રભાવિત થયા હતા.
ટેરિફ લાદવાની ધમકીની અસર શેરબજારમાં
સવારે 9.30 કલાકની વાત કરીએ તો, શેરબજારમાં સેન્સેક્સ 74,748 અંક સાથે 562 પોઇન્ટના ઘટાડા પર ખૂલ્યો હતો. જ્યારે નિફ્ટી 22,628.15 અંક સાથે −167.75 પોઇન્ટના ઘટાડા સાથે ખૂલ્યો હતો. જો કે થોડા જ સમયમાં બોમ્બે સ્ટોક એક્સચેન્જનો 30 શેરનો સેન્સેક્સ શરૂઆતના સમયે 700 પોઈન્ટથી વધુ ઘટી ગયો હતો. જ્યારે નેશનલ સ્ટોક એક્સચેન્જનો નિફ્ટી 217 પોઈન્ટ ઘટીને ટ્રેડ થતો જોવા મળ્યો હતો. દરમિયાન, શરૂઆતના કારોબારમાં, BSE લાર્જકેપમાં સમાવિષ્ટ 30 માંથી 29 શેર ઘટાડા સાથે શરૂ થયા હતા અને સૌથી મોટો ઘટાડો ઝોમેટોના શેરમાં જોવા મળ્યો હતો. ફરી એકવાર અમેરિકી રાષ્ટ્રપતિ ડોનાલ્ડ ટ્રમ્પની ટેરિફ લાદવાની ધમકીની અસર શેરબજાર પર જોવા મળી છે.
વૈશ્વિક બજારમાંથી શું સંકેતો મળે છે?
શુક્રવારે યુએસ શેરબજારમાં આવેલી નબળાઈનો ફાયદો ઉઠાવતા, સોમવારે એશિયન બજારોમાં મિશ્ર વલણ જોવા મળી રહ્યું છે. ઓસ્ટ્રેલિયાનો S&P/ASX 200 0.81 ટકાના ઘટાડા સાથે ખુલ્યા પછી ફ્લેટ ટ્રેડિંગ કરી રહ્યો હતો. દક્ષિણ કોરિયાનો કોસ્પી 0.84 ટકા અને હોંગકોંગનો હેંગ સેંગ 0.7 ટકા ઘટીને ખુલ્યા પછી 0.1 ટકા વધ્યો હતો. જોકે, જાપાનનો નિક્કી ઇન્ડેક્સ જાહેર રજાના કારણે બંધ રહ્યો હતો.
શુક્રવારે અમેરિકાના ત્રણેય મુખ્ય શેરબજાર સૂચકાંકો નીચા સ્તરે બંધ થયા હતા કારણ કે નવા ડેટાએ રોકાણકારોની અર્થતંત્ર અંગે ચિંતા વધારી હતી. ડાઉ જોન્સ ઇન્ડસ્ટ્રિયલ એવરેજ 1.69 ટકા, એસ એન્ડ પી 500 1.7 ટકા અને નાસ્ડેક કમ્પોઝિટ 2.2 ટકા ઘટ્યો.
આ 10 શેર ખુલતાની સાથે જ તૂટ્યા
સોમવારે શેરબજારમાં શરૂઆતના ઘટાડા વચ્ચે, ઝોમેટો શેર (2.06%), HCL ટેક શેર (1.93%), HDFC બેંક શેર (1.38%), TCS શેર (1.34%) અને ઇન્ફોસિસ શેર (1.10%) જેવી લાર્જ-કેપ કંપનીઓના શેર નીચા સ્તરે ટ્રેડ થઈ રહ્યા હતા. બીજી તરફ, મિડકેપ કેટેગરીમાં પ્રેસ્ટિજ શેર (૪.૧૪%), IREDA શેર (૩.૨૫%), સુઝલોન શેર (૩.૦૬%) અને RVNL શેર (૨.૭૯%) નીચા સ્તરે ટ્રેડ થઈ રહ્યા હતા. આ ઉપરાંત, સ્મોલકેપ કેટેગરીમાં સૌથી મોટો ઘટાડો રાજેશ એક્સપોર્ટ શેરમાં જોવા મળ્યો, જે ખુલતાની સાથે જ 7% ઘટ્યો.









