સપ્તાહના પ્રથમ દિવસે સોમવાર 20 જાન્યુઆરીએ આજે શેરબજારની મજબૂત શરૂઆત થઈ. બીએસઈનો 30 શેરનો મુખ્ય સંવેદનશીલ સૂચકાંક સેન્સેક્સ 359 પોઈન્ટના વધારા સાથે 76978ના સ્તરે ખૂલ્યો હતો. જ્યારે NSEનો 50 શેરોનો બેન્ચમાર્ક ઈન્ડેક્સ નિફ્ટી 87 પોઈન્ટના વધારા સાથે 23290 ના સ્તર પર ખુલવામાં સફળ રહ્યો હતો.
આ અઠવાડિયે, રોકાણકારો શેરબજારના મુખ્ય વિકાસ પર નજર રાખશે
વૈશ્વિક બજારમાં ઉછાળા પછી, સ્થાનિક શેરબજારના બેન્ચમાર્ક સૂચકાંકો સેન્સેક્સ અને નિફ્ટી 50 સોમવારે લાભ સાથે ખુલવાની ધારણા હતી કારણ કે, અમેરિકી રાષ્ટ્રપતિ ડોનાલ્ડ ટ્રમ્પના શપથ ગ્રહણ સમારોહ પહેલા એશિયન બજારોમાં તેજી રહી હતી, જ્યારે અમેરિકન શેરબજારો તેજી સાથે બંધ થયા હતા.
આ અઠવાડિયે, રોકાણકારો શેરબજારના મુખ્ય વિકાસ પર નજર રાખશે, જેમાં ત્રીજા ક્વાર્ટરના પરિણામો, યુએસ પ્રમુખ તરીકે ડોનાલ્ડ ટ્રમ્પના શપથ, સ્થાનિક અને વૈશ્વિક મેક્રો ઇકોનોમિક ડેટા, વિદેશી ભંડોળનો પ્રવાહ, ક્રૂડ ઓઇલના ભાવ અને અન્ય વૈશ્વિક બજાર સંકેતો છે.
ભારતીય શેરબજારમાં ત્રણ દિવસનો ઉછાળો શુક્રવારે બેન્કિંગ અને આઈટી કાઉન્ટર્સમાં વેચવાલીને કારણે અટકી ગયો હતો. સેન્સેક્સ 423.49 પોઈન્ટ અથવા 0.55% ઘટીને 76,619.33 પર બંધ થયો, જ્યારે નિફ્ટી 50 108.60 પોઈન્ટ અથવા 0.47% ઘટીને 23,203.20 પર બંધ થયો.