Go First ખરીદતા પહેલા સ્પાઈસ જેટને લાગ્યો ઝટકો

નાદાર બનેલી ગો ફર્સ્ટને ખરીદવા આગળ આવેલી સ્પાઈસ જેટ એરલાઈન્સને દિલ્હી હાઈકોર્ટે આંચકો આપ્યો છે. કોર્ટે તેને બે એન્જિન કંપનીના 3.7 કરોડ રૂપિયા ચૂકવવા નિર્દેશ કર્યો છે. કોર્ટે એરલાઈન્સને એક અઠવાડિયાની અંદર એફિડેવિટ જમા કરવાનો પણ નિર્દેશ આપ્યો છે. સ્પાઈસજેટે ફ્રાંસની આ બે કંપનીઓના વપરાશ માટે એન્જિન લીધેલા છે. કોર્ટે પોતાના નિર્દેશમાં એવું જણાવ્યું છે કે સ્પાઈસ જેટ એવું સોગંદનામું કરે જેમાં કાયદેસરની લેવાતી રકમને ચૂકવવાનો ઈરાદો તે રાખે છે એવો ઉલ્લેખ કરે. સ્પાઈસ જેટે એન્જિનની રિડિલિવરીથી સંબંધિત પોતાનો ઈરાદો સ્પષ્ટ કરવાનું કહેવામાં આવ્યું છે. સુનાવણી દરમિયાન જસ્ટિસે જણાવ્યું કે, સ્પાઈસ જેટ વિમાન એન્જિનના વપરાશ રોકવાના આદેશ આપવા મજબૂર કરી રહી છે. નાણાં ચૂકવણી આપવામાં અસમર્થન છો તો એન્જિન પરત કરી દો. સ્પાઈસ જેટે 29 ડિસેમ્બર સુધી જમા કરવાની કુલ રમકના બે ટકાની રજૂઆત કરી હતી. પરંતુ કોર્ટે આને મજાક નહીં કરવાનું કહીને 3.7 કરોડ રૂપિયાની ચૂકવણી કરવાનો નિર્દેશ આપી દીધા છે.

 ગો ફર્સ્ટની ટૂંક સમયમાં ડીલ

સ્પાઈસ જેટે ગો ફર્સ્ટને ખરીદવામાં રૂચિ દર્શાવી છે. દેવાળું ફુંકેલી કંપનીની યોગ્ય તપાસ બાદ પ્રસ્તાવ રજૂ કરવાની યોજના બનાવી કહી છે. ગો ફર્સ્ટને આંતરિક સમસ્યાને લીધે નાણાં સંકટ વચ્ચે ત્રણ મહિનાથી સેવાઓ બંધ કરી દીધી છે. એરલાઈન સ્પાઈસ જેટના સત્તાવાર નિવેદનમાં જણાવાયું છે કે તેને ગો ફર્સ્ટના અધિગ્રહણ કરવામાં રૂચિ છે અને અન્ય તપાસ કર્યા બાદ આગળની કાર્યવાહીની યોજના બનાવી રહી છે. મહત્ત્વનું છે કે, ત્રીજી મે 2023થી ગો ફર્સ્ટ નાણાકીય સંકટને લીધે તમામ ઉડ્ડયનો બંધ કર્યા છે. સ્પાઈસ જેટે શેર બજારને આપેલી જાણકારીમાં જણાવ્યું કે ગો ફર્સ્ટ સાથે સ્પાઈસ જેટની સાથે સંભવિત મજબૂત આયોજન છે. તપાસ કર્યા બાદ કંપની એક પ્રસ્તાવ રજૂ કરવા માગે છે. વધુમાં જણાવ્યું કે કંપનીના નિદેશક મંડળ પોતાની નાણાકીય સ્થિતિ મજબૂત કરવા અને વિકાસ યોજનામાં રોકાણ કરવાના હેતુથી આશરે 27 કરોડ અમેરિકી ડોલરની નવી મૂડી મેળવવાની પ્રક્રિયાને તાજેતરમાં મંજૂરી આપી છે.