અયોધ્યામાં રામ મંદિરમાં પ્રાણ પ્રતિષ્ઠાને લીધે આજે શેરમાર્કેટ બંધ

• આજે આખા દેશ સહિત દુનિયાની નજરો અયોધ્યા પર 
  
• આજે માર્કેટ બંધ રહેતા શનિવારે બંને સ્થાનિક બજારોમાં ટ્રે઼ડિંગ કર્યું
• ઐતિહાસિક ઉજવણીને લીધે સોમવારે ટ્રેડિંગ બંધ

આજે આખા દેશ સહિત દુનિયાની નજરો અયોધ્યા પર લાગેલી છે. રામ મંદિરમાં પ્રાણ પ્રતિષ્ઠાને લઈ અનેક રાજ્યોમાં સરકારે રજાની જાહેરાત કરી છે. કેન્દ્ર સરકાર તરફથી પણ કેન્દ્રીય કર્મચારીઓને આજે અડધો દિવસ રજા આપ્યો છે. આ પ્રસંગે આજે 22 જાન્યુઆરીએ સોમવારે શેરબજાર પણ બંધ છે. રામ મંદિરમાં પ્રાણ પ્રતિષ્ઠાને લઈ ઘરેલું શેરબજારમાં રજા છે.

આ કારણથી માર્કેટમાં રજા જાહેર

બંને ઘરેલું શેરમાર્કેટ બીએસઈ અને એનએસઈ ગત અઠવાડિયાએ શુક્રવારે સાંજે રજા જાહેર કરી હતી. બંને શેરમાર્કેટમાં સોમવારે એટલે કે આજે અયોધ્યામાં રામ મંદિરમાં પ્રાણ પ્રતિષ્ઠા પ્રસંગને લઈ મહારાષ્ટ્ર સરકારે જાહેર રજાની જાહેરાત કરી છે. આ કારણે સોમવારે શેરબજાર પર કારોબાર બંધ રહેશે.

 શનિવારે બંને સ્થાનિક બજારોમાં ટ્રે઼ડિંગ કર્યું

તેના બદલે શનિવારે બંને સ્થાનિક બજારોએ ટ્રેડિંગ કર્યું હતું. આ પહેલા શનિવારે BSE અને NSE પર માત્ર ઈમરજન્સી સાઈટ ચેકિંગ માટે ખાસ સત્ર યોજાવા જઈ રહ્યું હતું. જો કે, જ્યારે બજારે પાછળથી સોમવારની રજા લેવાનું નક્કી કર્યું, ત્યારે તેના બદલે શનિવારે સંપૂર્ણ સત્રનું આયોજન કરવામાં આવ્યું. શનિવારના સત્રમાં કોમોડિટી અને કરન્સી સેગમેન્ટમાં કોઈ ટ્રેડિંગ થયું ન હતું, પરંતુ ઈક્વિટી અને ઈક્વિટી ડેરિવેટિવ સેગમેન્ટ્સમાં સંપૂર્ણ સત્ર થયું હતું. આજે પૂરા થતા કોન્ટ્રાક્ટની મુદત પણ શનિવારે જ પૂરી થઈ ગઈ હતી.

આ સેગમેન્ટમાં ધંધો સ્થગિત

આજની તારીખે, રામ મંદિરમાં પ્રાણ પ્રતિષ્ઠાને કારણે, માત્ર ઇક્વિટી સેગમેન્ટ જ નહીં પરંતુ ઇક્વિટી ડેરિવેટિવ સેગમેન્ટ, SLB સેગમેન્ટ અને કરન્સી સેગમેન્ટ પણ બંધ છે. મતલબ કે આજે કોઈ પણ સેગમેન્ટમાં કોઈ ધંધો નહીં થાય. આજે માત્ર કોમોડિટી સેગમેન્ટમાં જ કારોબાર થશે, પરંતુ તે પણ પૂર્ણ નહીં થાય.

કોમોડિટી સેગમેન્ટમાં મર્યાદિત ટ્રેડિંગ

મલ્ટી કોમોડિટી એક્સચેન્જ એટલે કે MCX અને નેશનલ કોમોડિટી એક્સચેન્જ એટલે કે NCDEX સવારના સત્ર માટે બંધ છે. આનો અર્થ એ છે કે કોમોડિટી ડેરિવેટિવ્ઝ અને ઈલેક્ટ્રોનિક ગોલ્ડ રિસિપ્ટ્સમાં સવારે 9 વાગ્યાથી સાંજના 5 વાગ્યા સુધી કોઈ ટ્રેડિંગ થશે નહીં. તે પછી, સાંજના સત્રનું ટ્રેડિંગ સાંજે 5 વાગ્યાથી થશે.

અઠવાડિયાના છેલ્લા દિવસે પણ રજા

આ અઠવાડિયું રજાઓથી ખૂબ પ્રભાવિત થઈ રહ્યું છે. જ્યાં ગયા અઠવાડિયે 6 દિવસ માર્કેટમાં ટ્રેડિંગ થયું હતું ત્યાં આ અઠવાડિયે માત્ર 3 દિવસ જ ટ્રેડિંગ થવાનું છે. બજાર આજે સપ્તાહના પ્રથમ દિવસે બંધ છે. સપ્તાહનો છેલ્લો દિવસ એટલે કે શુક્રવાર 26મી જાન્યુઆરીએ રજા છે. આવી સ્થિતિમાં મંગળવાર, બુધવાર અને ગુરુવારે જ બજારમાં કારોબાર થશે.