આજે સવારે બજારની સુસ્ત શરૂઆત થઈ હતી. સેન્સેકસ અને નિફ્ટીમાં આજે ઘટાડો જોવા મળ્યો હતો. બજાર બંધ થવાના સમયે 1200 (1.44%)ના સકારાત્મક વધારા સાથે 82,501.62ના સ્તર પર અને નિફ્ટી +389.30 (1.58%)ના વધારા સાથે 25,056.20ના સ્તર પર બંધ થયો.
આજે ગુરુવાર, 15 મેના રોજ ઇન્ટ્રાડે ટ્રેડમાં મજબૂત વધારો નોંધાવ્યો હતો, જેમાં HDFC બેંક, ICICI બેંક અને રિલાયન્સ ઇન્ડસ્ટ્રીઝ જેવા પસંદગીના બ્લુચિપ શેરોનો સમાવેશ થતો હતો. સવારના ઘટાડા બાદ બજારમાં દિવસ જતાં ધીમે ધીમે સુધારો જોવા મળ્યો. બપોરે બે વાગ્યાની આસપાસ સેન્સેક્સ દિવસના નીચલા સ્તરથી ૧૯૫૫ પોઈન્ટ રિકવર થયો. નિફ્ટી 50 ફરી 25,000 પોઈન્ટના સ્તરને સ્પર્શ્યો. બજારમાં આ ઉછાળો મુખ્યત્વે સ્થાનિક સૂચકાંકોમાં મજબૂતાઈ, પસંદગીના ક્ષેત્રોમાં ખરીદી અને વૈશ્વિક બજારોની મિશ્ર અસરનું પરિણામ છે. બેંક નિફ્ટી અને બીએસઈ બેંકેક્સમાં પણ અનુક્રમે ૧.૦૨% અને ૧.૧૧%નો વધારો જોવા મળ્યો, જે નાણાકીય ક્ષેત્રમાં રોકાણકારોના વિશ્વાસને દર્શાવે છે.
