આજે સપ્તાહના બીજા દિવસે બજારના આરંભે નબળી શરૂઆત જોવા મળી હતી. અને હવે અત્યારે બજાર બંધ થવાના સમયે સેન્સેક્સ 1,300 પોઈન્ટ ગગડ્યો અને નિફ્ટી 360.10 પોઈન્ટ ઘટયો. આજે બપોરે સેન્સેકસ (−1,382.35) 81,047.55ના સ્તર પર બંધ થયો અને આ જ સમયે નિફ્ટી 24,564.60ના સ્તર પર બંધ થયો.
આજે 13 મેના રોજ ભારતીય શેરબજારોમાં ભારે ઘટાડો જોવા મળ્યો. સેન્સેક્સ 1300 પોઈન્ટ અથવા 1.55 ટકા ઘટીને 81,047.55 પર બંધ થયો. તે જ સમયે, નિફ્ટી 346.35 પોઈન્ટ ઘટીને 24,564.60 ના સ્તરે સરકી ગયો. આ ઘટાડો એવા સમયે આવ્યો છે જ્યારે એક દિવસ પહેલા જ શેરબજારમાં રેકોર્ડબ્રેક ઉછાળો જોવા મળ્યો હતો. સોમવારે, સેન્સેક્સ લગભગ 3000 પોઈન્ટના વધારા સાથે બંધ થયો, જે છેલ્લા 4 વર્ષમાં સૌથી મોટો વધારો હતો. બજારના નિષ્ણાતો કહે છે કે ગઈકાલના શાનદાર વધારા પછી, આજે શેરબજારોમાં પ્રોફિટ બુકિંગ ચાલુ છે, જેના કારણે વેચવાલી જોવા મળી રહી છે.
