મિડલ ઈસ્ટમાં યુદ્ધ કરતાં પણ બદ્દતર સ્થિતિની સીધી અસર ભારતીય શેરબજારમાં જોવા મળી રહી છે. જેથી ભારતીય શેરબજારમાં ભારે ઘટાડો નોંધાયો છે. સવારથી જ સેન્સેક્સ અને નિફ્ટીમાં ભારે ઘટાડો જોવા મળ્યો છે.
રોકાણકારોની ભારે વેચવાલી જોવા મળી રહી છે. બોમ્બે સ્ટોક એક્સચેન્જ ઈન્ડેક્સ સેન્સેક્સ આજે 1264 પોઈન્ટ ઘટીને 83,002.09 પર ખુલ્યો હતો. તે જ સમયે, નેશનલ સ્ટોક એક્સચેન્જ ઈન્ડેક્સ નિફ્ટી શરૂઆતના કારોબારમાં 1.03 ટકા અથવા 266 પોઇન્ટના ઘટાડા સાથે 25,530 પર ટ્રેડ થતો જોવા મળ્યો હતો. શરૂઆતના ટ્રેડિંગમાં નિફ્ટીના 50 શેરોમાંથી 44 શેર લાલ નિશાન પર ટ્રેડ થતા જોવા મળ્યા હતા અને 6 શેર્સ ગ્રીન નિશાન પર ટ્રેડ થતા જોવા મળ્યા હતા. તે જ સમયે, સેન્સેક્સના 30 શેરોમાંથી 3 શેર ગ્રીન નિશાન પર અને 27 શેર રેડ નિશાન પર ટ્રેડ થતા જોવા મળ્યા હતા. જોકે, આ ઘટાડો ધીમે-ધીમે ઘટ્યો અને સવારે 9.40 વાગ્યે સેન્સેક્સ 0.65 ટકા અથવા 550 પોઈન્ટ ઘટીને 83,717 પર ટ્રેડ થતો જોવા મળ્યો.
