નાણાકીય વર્ષના પહેલા ટ્રેડિંગ દિવસે શેરબજારે ફરીથી ઘટાડાનો ટ્રેન્ડ જોવા મળ્યો છે. પરિણામે દેશના રિટેલ રોકાણકારોને ભારે નુકસાનનો સામનો કરવો પડી રહ્યો છે. જો આપણે શેરબજારના ડેટા પર નજર કરીએ તો, બપોરે 11.30 કલાકે BSE સેન્સેક્સ 1000 પોઇન્ટથી વધુ ઘટ્યો હતો જ્યારે નિફ્ટીમાં પણ 250 પોઇન્ટથી વધુનો ઘટાડો જોવા મળ્યો. પરિણામે રોકાણકારોને 2.39 લાખ કરોડ રૂપિયાનું નુકસાન થયું હોવાનું સામે આવ્યું છે.

ટેરિફનો ખૌફ !

શેરબજારના નિષ્ણાતોના મતે ભારતીય શેર બજાર પર ટ્રમ્પ ટેરિફનો ખતરો સ્પષ્ટપણે દેખાઈ રહ્યો છે. 2 એપ્રિલથી વિશ્વભરમાં પારસ્પરિક ટેરિફ લાગુ થશે. તેની અસર ભારત પર પણ જોવા મળશે. જોકે, દેશના ઘણા મંત્રાલયો અને અધિકારીઓ આ ટેરિફને બેઅસર કરવા માટે કામ કરી રહ્યા છે. પરંતુ અત્યાર સુધી જે સફળતાની અપેક્ષા હતી તે મળી નથી.

કયા શેર ઘટ્યા ?
BSE પર બેંકિંગ અને IT શેરમાં ઘટાડો જોવા મળી રહ્યો છે. સવારે 9:45 વાગ્યે, ઇન્ફોસિસમાં 1.60% નો ઘટાડો જોવા મળી રહ્યો છે. બીજી તરફ HDFC બેંક અને TCSના શેરમાં એક કે તેથી વધુ ટકાનો ઘટાડો જોવા મળી રહ્યો છે. મારુતિ, કોટક બેંક, સન ફાર્મા, ટેક મહિન્દ્રા, બજાજ ફાઇનાન્સ, બજાજ ફિનસર્વ, એચસીએલ ટેક, એક્સિસ બેંકના શેરમાં એક ટકાથી પણ ઓછો ઘટાડો જોવા મળી રહ્યો છે.
બીજી તરફ, ઇન્ડસઇન્ડ બેંકના શેરમાં મહત્તમ 5 ટકાનો વધારો જોવા મળી રહ્યો છે. પાવરગ્રીડ, મહિન્દ્રા એન્ડ મહિન્દ્રા, અદાણી પોર્ટ, ભારતી એરટેલ, નેસ્લે ઇન્ડિયા, ઝોમેટો, એસબીઆઈ, ટાટા મોટર્સ, હિન્દુસ્તાન યુનિલિવર, આઇટીસી, ટાટા સ્ટીલ, ટાઇટન, રિલાયન્સ વગેરેના શેરમાં 0.17 ટકાથી 2 ટકાનો વધારો જોવા મળી રહ્યો છે.

રોકાણકારોના કરોડો ડૂબ્યા
જોકે શેરબજારે એક મિનિટમાં જ રોકાણકારોને ડરાવી દીધા હતા. જો આપણે આંકડાઓ પર નજર કરીએ તો રોકાણકારોએ એક મિનિટમાં 2 લાખ કરોડ રૂપિયાથી વધુનું નુકસાન કર્યું. રોકાણકારોનો નફો અને નુકસાન BSE ના માર્કેટ કેપના આધારે નક્કી થાય છે. શુક્રવારે શેરબજાર બંધ થયું ત્યારે BSEનું માર્કેટ કેપ 4,12,87,646.50 કરોડ રૂપિયા હતું. જે શેરબજાર ખુલ્યાના એક મિનિટમાં જ 4,10,48,016.89 કરોડ રૂપિયા પર પહોંચી ગયું. આનો અર્થ એ થયો કે રોકાણકારોને 2,39,629.61 કરોડ રૂપિયાનું નુકસાન થયું.