ભારતીય શેરબજારની સેન્સેક્સની ટોચની 10 સૌથી મૂલ્યવાન કંપનીઓમાંથી છ કંપનીઓની માર્કેટ મૂડી (માર્કેટ કેપ) ગયા સપ્તાહે સામૂહિક રીતે રૂ. 1,07,366.05 કરોડ વધી છે. સ્ટેટ બેંક ઓફ ઈન્ડિયા (SBI) અને ICICI બેંકમાં સૌથી વધુ ફાયદો થયો હતો. નવા વર્ષ 2081ની શરૂઆત નિમિત્તે 1 નવેમ્બરના રોજ BSE અને NSE પર 'મુહૂર્ત ટ્રેડિંગ'નું આયોજન કરવામાં આવ્યું હતું.
ગયા અઠવાડિયે બીએસઈના 30 શેરોવાળા સેન્સેક્સમાં 321.83 પોઈન્ટ અથવા 0.40 ટકાનો ઉછાળો નોંધાયો હતો. જ્યાં સપ્તાહ દરમિયાન રિલાયન્સ ઈન્ડસ્ટ્રીઝ, આઈસીઆઈસીઆઈ બેંક, સ્ટેટ બેંક ઓફ ઈન્ડિયા, આઈટીસી, હિન્દુસ્તાન યુનિલિવર અને લાઈફ ઈન્સ્યોરન્સ કોર્પોરેશન ઓફ ઈન્ડિયા (એલઆઈસી)ની માર્કેટ મૂડીમાં વધારો થયો છે. તે જ સમયે, ટાટા કન્સલ્ટન્સી સર્વિસિસ (TCS), HDFC બેન્ક, ભારતી એરટેલ અને ઇન્ફોસિસના મૂલ્યાંકનમાં ઘટાડો થયો હતો. જેના કારણે આ 4 કંપનીઓના શેરોમાં રોકાણ કરનારા રોકાણકારોને નુકસાન થયું છે.
આ કંપનીઓને નુકસાન કરાવ્યું
આ ટ્રેન્ડિંગથી વિપરીત, ઈન્ફોસિસનું માર્કેટ કેપિટલાઇઝેશન રૂ. 38,054.43 કરોડ ઘટીને રૂ. 7,31,442.18 કરોડ થયું હતું. ભારતી એરટેલનું મૂલ્યાંકન રૂપિયા 27,299.54 કરોડ ઘટીને રૂપિયા 9,20,299.35 કરોડ થયું હતું. TCSનું મૂલ્યાંકન રૂપિયા 26,231.13 કરોડ ઘટીને રૂપિયા 14,41,952.60 કરોડ થયું હતું. HDFC બેંકનું માર્કેટ કેપિટલાઇઝેશન રૂપિયા 3,662.78 કરોડ ઘટીને રૂપિયા 13,26,076.65 કરોડ થયું હતું.
રિલાયન્સ ટોચ પર રહી છે
શેરબજારમાં ટોચની 10 કંપનીઓની યાદીમાં રિલાયન્સ ઈન્ડસ્ટ્રીઝ પ્રથમ સ્થાને રહી. આ પછી અનુક્રમે TCS, HDFC બેન્ક, ભારતી એરટેલ, ICICI બેન્ક, સ્ટેટ બેન્ક ઓફ ઇન્ડિયા, ઇન્ફોસિસ, ITC, હિન્દુસ્તાન યુનિલિવર અને LICનો નંબર આવે છે.
SBIના માર્કેટ કેપમાં મોટો ઉછાળો જોવા મળ્યો હતો
સમીક્ષા હેઠળના અઠવાડિયામાં સ્ટેટ બેન્ક ઓફ ઈન્ડિયાનું મૂલ્યાંકન રૂપિયા 36,100.09 કરોડ વધીને રૂપિયા 7,32,755.93 કરોડ થયું હતું. ICICI બેન્કનું માર્કેટ કેપિટલાઇઝેશન રૂપિયા 25,775.58 કરોડ વધીને રૂપિયા 9,10,686.85 કરોડ થયું છે. LICનું માર્કેટકેપ રૂ. 16,887.74 કરોડ વધીને રૂપિયા 5,88,509.41 કરોડ અને રિલાયન્સ ઇન્ડસ્ટ્રીઝનું માર્કેટકેપ રૂપિયા 15,393.45 કરોડ વધીને રૂપિયા 18,12,120.05 કરોડ થયું હતું. ITC એ સપ્તાહ દરમિયાન રૂપિયા 10,671.63 કરોડ ઉમેર્યા અને તેની માર્કેટ મૂડી રૂપિયા 6,13,662.96 કરોડ સુધી પહોંચી. હિન્દુસ્તાન યુનિલિવરનું મૂલ્યાંકન રૂપિયા 2,537.56 કરોડ વધીને રૂપિયા 5,96,408.50 કરોડ થયું છે.
Disclaimer: શેરબજારમાં કોઈપણ પ્રકારનું રોકાણ કરતાં પહેલા પોતાના માર્કેટ એક્સપર્ટની સલાહ જરૂર લેવી
