- CCIએ Google પર સ્પર્ધાને નુકસાન પહોંચાડવાનો આરોપ લગાવાયો
- એન્ડ્રોઈડ સિસ્ટમનો દૂરઉપયોગ કરવા બદલ કરાયો દંડ
- પ્લે સ્ટોર સંબંધિત નીતિને લઈને પણ 936 કરોડ રૂપિયાનો દંડ થયો
વિશ્વની અગ્રણી ટેક કંપની Googleને આજે ફરી મોટો ઝટકો લાગ્યો છે. સુપ્રીમ કોર્ટે ગુરૂવારે કોમ્પિટિશન કમિશન ઓફ ઈન્ડિયા (CCI)ના ગુગલને દંડ કરવાના નિર્ણયને યથાવત રાખ્યો છે. કોર્ટે નેશનલ કંપની લો એપેલેટ ટ્રિબ્યુનલ (NCLAT) ના Google દ્વારા 10 ટકા દંડ જમા કરવાના વચગાળાના આદેશમાં દખલ કરવાનો સ્પષ્ટ ઈનકાર કર્યો છે. કોર્ટે ગૂગલની અરજીને ટ્રિબ્યુનલને પરત મોકલી દીધી છે. આ સાથે જ કોર્ટે 31 માર્ચ 2023 સુધીમાં આ મામલે નિર્ણય લેવાનું કહ્યું છે.
ગૂગલ દંડના 10 ટકા રકમ જમા કરે
ગુગલના રૂ. 1,337 કરોડ રૂપિયાના દંડ વિરુદ્ધ દાખલ કરાયેલી અરજી પર સુપ્રીમ કોર્ટે ગુરુવારે સુનાવણી હાથ ધરી છે. NCLAT આદેશનું પાલન કરવા માટે સુપ્રીમ કોર્ટે ગૂગલ ઇન્ડિયાને એક સપ્તાહ એટલે કે માત્ર 7 દિવસનો સમય આપ્યો છે. સુપ્રીમ કોર્ટના ચીફ જસ્ટિસ ડીવાય ચંદ્રચુડ અને જસ્ટિસ પીએસ નરસિમ્હા અને જસ્ટિસ જેબી પારડીવાલાની બેન્ચે કૉમ્પિટિશન કમિશન ઑફ ઈન્ડિયા (સીસીઆઈ) દ્વારા અમેરિકન ફર્મ ગૂગલ પર લાદવામાં આવેલા દંડને યથાવત રાખ્યો છે.
મામલો શું છે
ગયા વર્ષે ઑક્ટોબર 2022માં CCIએ Google પર સ્પર્ધાને નુકસાન પહોંચાડવાનો આરોપ લગાવીને લગભગ 2,200 કરોડ રૂપિયાનો દંડ પણ લગાવ્યો હતો. નોંધનીય છે કે તેમાંથી 97 ટકા મોબાઇલ ફોનમાં ઉપયોગમાં લેવાતી એન્ડ્રોઈડ સિસ્ટમનો દુરુપયોગ કરવા બદલ 1,337.76 કરોડ રૂપિયાનો દંડ ફટકારવામાં આવ્યો હતો. તે જ સમયે પ્લે સ્ટોર સંબંધિત નીતિઓને લઈને 936 કરોડ રૂપિયાનો દંડ ફટકારવામાં આવ્યો છે.
રાહત મળતી નહીં
અગાઉ ગૂગલે CCIના આદેશ સામે નેશનલ કંપની લો એપેલેટ ટ્રિબ્યુનલ (NCLAT)માં અપીલ કરી હતી. પરંતુ ત્યાંથી કોઈ રાહત નથી. જે બાદ ટ્રિબ્યુનલે 4 જાન્યુઆરીએ CCIના આદેશ પર મુલતવી આપવાનો ઇનકાર કર્યો હતો. ટ્રિબ્યુનલે કહ્યું કે આ અપીલ આદેશ આવ્યાના 2 મહિના પછી 20 ડિસેમ્બરે કરવામાં આવી છે.
ગૂગલે અરજીમાં શું કહ્યું
આ જ ગૂગલે તેની અરજીમાં કહ્યું હતું કે CCIનો આદેશ 19 જાન્યુઆરી, 2023થી લાગુ થવા જઈ રહ્યો છે અને તેણે આના 1 મહિના પહેલા NCLATમાં અપીલ કરી હતી. સાથે જ કહ્યું કે તેને અપીલના અધિકારનો ઉપયોગ કરવા બદલ સજા ન થવી જોઈએ.
