સોના-ચાંદીના ભાવમાં ફરી થયો વધારો, જાણો શું છે નવી કિંમત

• સોનાનો ભાવ આજે 59600ની પાર ટ્રેડ થઈ
  
• ચાંદીની કિંમત 0.81 ટકા વધીને 72150 રૂપિયા પ્રતિ કિલો થઈ
• અમેરિકાના માર્કેટમાં પણ સોનાના ભાવમાં વધારો થયો

ઇઝરાયેલ-હમાસ યુદ્ધની અસર સોના-ચાંદી પર જોવા મળી હતી અને અચાનક જોરદાર ભવામાં વધારો થયો હતો. ત્યાર બાદ 2 દિવસ નજીવો ઘટાડો થયો હતો અને ફરી સોનાં-ચાંદીની કિંમત હવે વધી છે. આજે મલ્ટી કોમોડિટી એક્સચેન્જમાં સોનું મોંઘુ થઈ ગયું છે. આ સાથે ચાંદીમાં પણ આશરે રૂ. 700 (આજે ચાંદીનો ભાવ)નો વધારો થયો છે. મલ્ટી કોમોડિટી એક્સચેન્જ પર સોનાનો ભાવ આજે 59600ની પાર ટ્રેડ થઈ રહ્યો છે.

MCX પર સોનું અને ચાંદી મોંઘા થયા

આજે મલ્ટી કોમોડિટી એક્સચેન્જ પર સોનાની કિંમત 0.65 ટકાના વધારા સાથે 59608 રૂપિયા પ્રતિ 10 ગ્રામના સ્તર પર છે. આ સિવાય ચાંદીની કિંમત 0.81 ટકા વધીને 72150 રૂપિયા પ્રતિ કિલો છે.

અમેરિકાના માર્કેટમાં પણ સોનાના ભાવમાં વધારો થયો

અમેરિકી બજારમાં પણ સોનાના ભાવ વધી રહ્યા છે. યુએસ માર્કેટમાં આજે સોનાનો ભાવ 0.74 ટકાના વધારા સાથે ઔંસ દીઠ $1,936.80 છે. આ સિવાય ચાંદીની કિંમત 1.18 ટકાના વધારા સાથે 23.06 ડોલર પ્રતિ ઔંસ પર છે.

22 કેરેટ સોનાની કિંમત શું છે?

જો 22 કેરેટ સોનાની કિંમતની વાત કરીએ તો દિલ્હીમાં તેની કિંમત 55,100 રૂપિયા પ્રતિ 10 ગ્રામ છે. આ સિવાય ચેન્નાઈમાં તેની કિંમત 55,150 રૂપિયા, અમદાવાદમાં 55,000 રૂપિયા, બેંગ્લોર, હૈદરાબાદ, કોલકાતા અને મુંબઈમાં 54,950 રૂપિયા પ્રતિ 10 ગ્રામ છે.

તમે ઘરે બેઠા સોનાની કિંમત જાણી શકો છો

જો તમે પણ સોનું ખરીદવાનું વિચારી રહ્યા છો અને તમારા શહેરમાં કિંમત જાણવા માંગો છો, તો હવે તમે આ કામ સરળતાથી કરી શકો છો. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર, તમે 8955664433 નંબર પર મિસ્ડ કોલ આપીને કિંમત જાણી શકો છો. તમે જે નંબર પરથી મેસેજ કરશો તે જ નંબર પર તમારો મેસેજ આવશે.