- મોંઘા વ્યાજથી હાલ કોઈ રાહત નહીં મળે
- આરબીઆઈએ પોલિસીની જાહેરાત કરી
- RBI બેઠકના છેલ્લા દિવસે પોલિસીની જાહેરાત કરવામાં આવી
રિઝર્વ બેંક ઓફ ઈન્ડિયા દ્વારા રેપો રેટ અંગે એક મહત્વપૂર્ણ જાહેરાત કરવામાં આવી છે. બેંક ગવર્નર શક્તિકાંત દાસે કહ્યું કે સર્વોચ્ચ બેંકે ફરીથી રેપો રેટ યથાવત રાખ્યો છે. આ છઠ્ઠી વખત છે જ્યારે બેંકે દર યથાવત રાખ્યા છે. પરિણામે, સ્ટેન્ડિંગ ડિપોઝિટ ફેસિલિટી રેટ 6.25% પર રહે છે અને માર્જિનલ સ્ટેન્ડિંગ ફેસિલિટી રેટ અને બેંક રેટ 6.75% પર રહે છે. બેઠક 3 એપ્રિલે શરૂ થઈ હતી. છ સભ્યોની મોનેટરી પોલિસી કમિટી (MPC)ની બેઠકમાં બેંક ગવર્નર શક્તિકાંત દાસ, રાજીવ રંજન, માઈકલ દેબબ્રત પાત્રા સાથે શશાંક ભીડે, આશિમા ગોયલ અને જયંત આર વર્મા બાહ્ય સભ્યો તરીકે સામેલ છે. દ્વિ-માસિક સમીક્ષા હેઠળ મોનેટરી પોલિસી કમિટી (MPC)ની બેઠકના છેલ્લા દિવસે પોલિસીની જાહેરાત કરી છે.
રેપો રેટ ફેબ્રુઆરી 2023માં બદલાયો હતો
રિઝર્વ બેંકે છેલ્લે ફેબ્રુઆરી 2023માં દરમાં ફેરફાર કર્યો હતો. ત્યારબાદ બેંકે વ્યાજ દરો 0.25% થી વધારીને 6.5% કરી દીધા. આ પહેલા વર્ષ 2022માં રિઝર્વ બેંકે છ વખત રેપો રેટમાં 2.50 ટકાનો વધારો કર્યો હતો. જો કે આ વખતે બેંકના નિર્ણયથી સામાન્ય લોકોને મોટી રાહત મળી છે. તેમની લોનની EMIમાં કોઈ વધારો કરવામાં આવશે નહીં.
