ખરીદીનો મોકો! સોના-ચાંદીનાં ભાવમાં ધરખમ ઘટાડો, જાણો નવી કિંમત

• સોના અને ચાંદીના ભાવમાં સતત ઘટાડો
  
• સોનાની કિંમત MCX પર 58,000ની નજીક 
• ચાંદીની કિંમત 71,000 રૂપિયાની નજીક પહોંચી

સોના અને ચાંદીના ભાવમાં સતત ઘટાડો જોવા મળી રહ્યો છે. આજે સોનાની કિંમત MCX પર 58,000ની નજીક આવી ગઈ છે. આ સિવાય ચાંદીની કિંમત પણ 71,000 રૂપિયાની નજીક પહોંચી ગઈ છે. આંતરરાષ્ટ્રીય બજારમાં સોનાના ભાવમાં ઘટાડાની અસર સ્થાનિક બજારમાં પણ જોવા મળી રહી છે. 

MCX પર સોનું અને ચાંદી સસ્તા થયા 

આજે મલ્ટી કોમોડિટી એક્સચેન્જ પર સોનાની કિંમત 0.29 ટકા ઘટીને 58260 રૂપિયા પ્રતિ 10 ગ્રામના સ્તરે છે. આ સિવાય આજે ચાંદીની કિંમત 0.62 ટકા ઘટીને 71332 રૂપિયા પ્રતિ કિલોના સ્તર પર છે.

વૈશ્વિક બજારમાં સોનું ઘટ્યું

આંતરરાષ્ટ્રીય બજારમાં પણ સોના અને ચાંદી બંને ધાતુના ભાવમાં ઘટાડો જોવા મળી રહ્યો છે. કોમેક્સ પર સોનાની કિંમત $1915 પ્રતિ ઔંસના સ્તરે છે. આ સિવાય ચાંદીની કિંમત પણ 23 ડોલર પ્રતિ ઔંસની નીચે પહોંચી ગઈ છે.

22 કેરેટ સોનાની કિંમત શું છે?

દિલ્હીમાં 22 કેરેટ સોનાની કિંમત 54,900 રૂપિયા પ્રતિ 10 ગ્રામના સ્તરે છે. આ સિવાય ચેન્નાઈમાં સોનાની કિંમત 55,050 રૂપિયા પ્રતિ 10 ગ્રામ છે. મુંબઈમાં સોનાની કિંમત 54,750 રૂપિયા પ્રતિ 10 ગ્રામ અને કોલકાતામાં 54,750 રૂપિયા પ્રતિ 10 ગ્રામ છે.