મહારાષ્ટ્રમાં નમો એક્સપ્રેસ સાથે શરૂ થઈ આ 6 સ્પેશિયલ ટ્રેન

•  “નમો એક્સપ્રેસ”ને ફ્લેગ ઓફ કરવામાં આવી
  
•  મહારાષ્ટ્રના DyCM દેવેન્દ્ર ફડણવીસે આપી લીલીઝંડી
• આ ઉપારાતં અન્ય 6  સ્પેશિયલ ટ્રેન દોડશે

ગણેશ ચતુર્થીનો તહેવાર દેશભરમાં ખૂબ જ ધામધૂમથી ઉજવવામાં આવે છે. ખાસ કરીને મહારાષ્ટ્રમાં ગણેશ ચતુર્થીના દિવસે એક અલગ જ ધામધૂમ જોવા મળે છે. બાપ્પા શ્રી ગણેશનો ઉત્સવ ગણેશ ચતુર્થીથી શરૂ થતા 10 દિવસ સુધી ઉજવવામાં આવે છે. મહારાષ્ટ્રમાં આ દસ દિવસ દરમિયાન, તમે વિવિધ સ્થળોએ ગણપતિ બાપ્પાના પંડાલ જોશો, દરેક વ્યક્તિ પોતાની અલગ-અલગ શૈલીમાં આ તહેવારની ઉજવણી કરતા જોવા મળશે. આવી સ્થિતિમાં મહારાષ્ટ્ર સરકારે પણ પોતાના લોકો માટે એક ખાસ જાહેરાત કરી છે.

ગણેશ ચતુર્થીના અવસર પર મહારાષ્ટ્ર સરકાર દ્વારા “નમો એક્સપ્રેસ”ને ફ્લેગ ઓફ કરવામાં આવી છે. આ ઉપરાંત 6 પ્રકારની અન્ય વિશેષ ટ્રેનો પણ શરૂ કરવામાં આવી છે. તાજેતરમાં જ મહારાષ્ટ્રના નાયબ મુખ્યમંત્રી દેવેન્દ્ર ફડણવીસે મુંબઈમાં સ્પેશિયલ ટ્રેન 'નમો એક્સપ્રેસ'નું ઉદ્ઘાટન કર્યું છે.

મુંબઈમાં સ્પેશિયલ નમો એક્સપ્રેસ ટ્રેન શરૂ થઈ

મહારાષ્ટ્રના નાયબ મુખ્યમંત્રી દેવેન્દ્ર ફડણવીસે મુંબઈના દાદર સ્ટેશનથી કોંકણ જતી નમો એક્સપ્રેસ નામની વિશેષ ટ્રેનને લીલી ઝંડી બતાવી છે. આગામી તહેવારને ધ્યાનમાં રાખીને મહારાષ્ટ્રમાં 6 વિશેષ ટ્રેનોની વ્યવસ્થા કરવામાં આવી છે.

338 બસો દોડાવવામાં આવશે

સ્પેશિયલ ટ્રેનની જાહેરાત કરતી વખતે ફડણવીસે કહ્યું કે ગણેશ ચતુર્થીની ઉજવણી માટે વિવિધ વ્યવસ્થા કરવામાં આવી છે. આ સમયગાળા દરમિયાન, કોંકણ પ્રદેશમાં આવનારા શ્રદ્ધાળુઓ માટે 338 બસો ચલાવવામાં આવશે. જેના કારણે મુસાફરોને કોઈ મુશ્કેલીનો સામનો કરવો પડશે નહીં.

ગણેશ ચતુર્થીની ઉજવણી ક્યારે શરૂ થાય છે?

ગણેશ ચતુર્થીની ઉજવણી 19 સપ્ટેમ્બરથી 29 સપ્ટેમ્બર 2023 સુધી ચાલશે. આ સમયગાળા દરમિયાન રાજ્યમાં ખાસ વ્યવસ્થા કરવામાં આવી છે. આ ઉપરાંત મધ્ય રેલવે તહેવાર માટે 156 ગણપતિ સ્પેશિયલ ટ્રેનો પણ દોડાવશે. હાલમાં આ ટ્રેનોનું બુકિંગ ખુલ્લું છે.