Central government employees may receive DA hike
1.6M
1M
1.7M
APPS
  • Home
  • Business
  • કેન્દ્રીય કર્મચારીઓને બખ્ખાં: મોંઘવારી ભથ્થુ 17%થી વધીને થશે 32%, પગારમાં થશે તોતિંગ વધારો

કેન્દ્રીય કર્મચારીઓને બખ્ખાં: મોંઘવારી ભથ્થુ 17%થી વધીને થશે 32%, પગારમાં થશે તોતિંગ વધારો

 | 2:19 pm IST
  • Share

લાખો કેન્દ્રીય કર્મચારી અને પેન્શનર્સ માટે મોંઘવારી ભથ્થાને લઈને રાહતના સમાચાર આવ્યા છે. સરકારે આ માટે મંજૂરી આપી દીધી છે. પણ તેના માટે કેન્દ્રીય કર્મચારીઓ અને પેન્શર્સને બે મહિના રાહ જોવી પડશે. એક વાત તો નક્કી છે કે, કેન્દ્રીય કર્મચારીઓ સપ્ટેમ્બરના પગારમાં મોટો વધારો થવાનો છે.

સપ્ટેમ્બરથી વધેલુ DA, DR મળવાનું શરૂ થઈ જશે

નેશનલ કાઉન્સિલના જણાવ્યા અનુસાર કેન્દ્રીય કર્મચારીઓને મોંઘવારી ભથ્થા અને પેન્શર્સની મોંઘવારી રાહત વધારામાં થોડો સમય લાગશે. કેબિનેટ સેક્રેટરીની આગેવાનીમાં નાણા મંત્રાલયે DOPT સાથે બેઠક કરીને આ નક્કી કર્યુ છે કે, DA, DR સપ્ટેમ્બર 2021માં થઈ જશે.

વધીને કેટલો થઇ જશે DA

હવે જોવાનું એ રહ્યું કે, સપ્ટેમ્બરથી પુન:સ્થાપન બાદ કેન્દ્રીય કર્મચારીઓ અને પેન્શનરોને DA, DR ની કયા દર પર મળે છે. JCM સચિવ શિવ ગોપાલ મિશ્રાએ આ અંગે જણાવ્યું કે, ‘જાન્યુઆરી 2021 અને જુલાઇ 2021 ના બંને મોંઘવારી ભથ્થાઓ (DA) ની જાહેરાત સપ્ટેમ્બર 2021 માં કરવામાં આવશે. એટલાં માટે કેન્દ્રીય કર્મચારીઓ અને પેન્શનરોને બે મહિનાની રાહ જોવી પડશે.

32% થઇ શકે છે DA

જો કે, તેઓએ જણાવ્યું કે, સાતમા વેતન આયોગના DA કેલ્ક્યુલેશન અનુસાર, જાન્યુઆરી 2021 થી બાકી DA ઓછાંમાં ઓછું 4 ટકા થઇ શકે છે. ત્યાર બાદ જુલાઇ 2021નું DA 3 અથવા 4 ટકા થઇ શકે છે. એટલાં માટે જ્યારે DA, DR નું પુન:સ્થાપન થઇ જશે. તો વર્તમાન DA 17 ટકાથી ઉછળીને 31 ટકા અથવા તો પછી 32 ટકા થઇ જશે. જાન્યુઆરી 2020 માં DA 4 ટકા વધ્યો હતો જ્યારે જૂનમાં મોંઘવારી ભથ્થું 3 ટકા વધ્યું હતું.

આવી રીતે થશે DAનું કેલકુલેશન

જાન્યુઆરી 2020 4%
જૂન 2020 3%
જાન્યુઆરી 2021 4% (અંદાજીત)
જૂન 2021 3 કે 4% (અંદાજીત)

સપ્ટેમ્બરમાં પુન:સ્થાપિત પછી કુલ DA = 17% + 4% + 3% + 4% + 3 OR 4% = 31% કે32%

ત્રણ મહિનાનું DA પણ સપ્ટેમ્બરના પગારમાં આવશે

જ્યાં સુધી મોંઘવારી ભથ્થાના ત્રણ હપ્તા (જાન્યુઆરી 2020, જૂન 2020 અને જાન્યુઆરી 2021)ની વાત છે તો તે પણ સપ્ટેમ્બરમાં આપવામાં આવી શકે છે. સરકાર 2021થી ઓગસ્ટ 2021નું એરિયર પણ સપ્ટેમ્બરની સેલરીમાં આપશે. તેનો અર્થ એ છે કે કેન્દ્રીય કર્મચારીઓની સપ્ટેમ્બરની સેલરીમાં બંપર વધારો થશે. એટલે કે દિવાળી પહેલા જ કર્મચારીઓના બેંક એકાઉન્ટમાં મોટી રકમ જમા થશે.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન