વેલિંગ્ટનમાં અભિષેક શર્માનું બેટ એવું ગર્જ્યું કે ન્યૂઝીલેન્ડના બોલરો પાસે તેનો કોઈ જવાબ રહ્યો નહીં. શોર્ટ બોલ હોય, ઓવરપિચ બોલ હોય કે ગુડ લેન્થ પરનો બોલ, અભિષેકે દરેક બોલને બાઉન્ડ્રીની બહાર પહોંચાડ્યો. તેણે માત્ર 35 બોલમાં સદી ફટકારીને વિદેશી ધરતી પર ભારત તરફથી સૌથી ઝડપી T20 સદી ફટકારવાનો રેકોર્ડ બનાવ્યો છે.અભિષેકે આક્રમક બેટિંગ કરતાં માત્ર 38 બોલમાં 113 રન બનાવ્યા. તેની ઇનિંગમાં 11 છગ્ગા અને 9 ચોગ્ગાનો સમાવેશ થયો. તેની આ તોફાની બેટિંગે ફરી એકવાર સાબિત કર્યું કે તે T20 ક્રિકેટના સૌથી આક્રમક બેટ્સમેનોમાંનો એક છે.
અભિષેક શર્માની રેકોર્ડતોડ બેટિંગ
અભિષેક શર્માએ વેલિંગ્ટનમાં શરૂઆતથી જ ન્યૂઝીલેન્ડના બોલરો પર દબાણ બનાવ્યું. તેણે મેદાનના દરેક ખૂણે શોટ ફટકાર્યા અને રનનો વરસાદ વરસાવ્યો. માત્ર 35 બોલમાં સદી પૂરી કરીને તેણે વિદેશી ધરતી પર ભારતીય બેટ્સમેન તરીકે ઝડપી T20 સદીનો રેકોર્ડ બનાવ્યો હોવાનો દાવો કરવામાં આવ્યો છે.આ પહેલાં અભિષેકે અફઘાનિસ્તાન સામે દિલ્હીમાં માત્ર 30 બોલમાં સદી ફટકારી હતી. હવે ન્યૂઝીલેન્ડ સામેની આ ઇનિંગ સાથે તેણે પોતાની આક્રમક બેટિંગનો વધુ એક પરચો આપ્યો.
https://x.com/BCCI/status/2115019606066893307?s=20
35 બોલમાં 2 સદી ફટકારનાર એકમાત્ર બેટ્સમેન?
અહેવાલ અનુસાર, અભિષેક શર્મા 35 કે તેથી ઓછા બોલમાં 2 T20 આંતરરાષ્ટ્રીય સદી ફટકારનાર પ્રથમ બેટ્સમેન બન્યો છે. તેની આ સિદ્ધિ તેની સતત આક્રમક બેટિંગ અને ઝડપી રન બનાવવાની ક્ષમતા દર્શાવે છે.
T20 ક્રિકેટમાં વિરાટ કોહલીને પાછળ છોડ્યો
અભિષેક શર્માએ T20 ક્રિકેટમાં સદીની સંખ્યાની બાબતમાં વિરાટ કોહલીને પાછળ છોડી દીધા હોવાનો અહેવાલ છે. અભિષેકના નામે હવે T20 ક્રિકેટમાં 11 સદી નોંધાઈ છે, જ્યારે વિરાટ કોહલીના નામે 10 સદી છે.આંતરરાષ્ટ્રીય T20 ક્રિકેટમાં પણ અભિષેકે પોતાની સ્થિતિ મજબૂત કરી છે. તેના નામે હવે 4 સદી નોંધાઈ હોવાનું જણાવાયું છે. આ યાદીમાં રોહિત શર્મા અને ગ્લેન મેક્સવેલ 5-5 સદી સાથે આગળ છે.
અભિષેક શર્મા બની રહ્યો છે ભારતની મોટી તાકાત
અભિષેક શર્માની બેટિંગની સૌથી મોટી ખાસિયત તેની નિર્ભય રમત છે. તે શરૂઆતથી જ મોટા શોટ રમવામાં માને છે અને બોલરોને પોતાની લયમાં આવવાની તક આપતો નથી. વેલિંગ્ટનમાં તેની 113 રનની ઇનિંગે ફરી એકવાર તેની ક્ષમતાની ઝલક બતાવી.
આ પણ વાંચો - IND vs NZ : અભિષેક શર્મા અને વૈભવ સૂર્યવંશીનો તોફાન; માત્ર 6 ઓવરમાં તૂટ્યા 3 વર્લ્ડ રેકોર્ડ!
