ભારતીય ટીમના અનુભવી ઝડપી બોલર ભુવનેશ્વર કુમારનો લાંબા સમયથી ચાલતો ઇંતજાર આખરે પૂરો થયો છે. ન્યૂઝીલેન્ડ સામે ક્રાઇસ્ટચર્ચમાં રમાયેલી બીજી T20 આંતરરાષ્ટ્રીય મેચમાં ભુવનેશ્વરે ડેરિલ મિચેલની વિકેટ ઝડપી હતી. આ સાથે તેણે લગભગ ચાર વર્ષ બાદ ભારતીય ટીમ માટે T20 આંતરરાષ્ટ્રીય ક્રિકેટમાં વિકેટ મેળવવાની સિદ્ધિ હાંસલ કરી હતી.નવેમ્બર 2022 પછી ભારતીય ટીમમાં વાપસી કરનારા ભુવનેશ્વર કુમારને ફરી ભારતની જર્સીમાં રમતા જોઈને ચાહકો ખુશ થયા હતા. જોકે, તેની વાપસી બાદ સૌને તેની પહેલી વિકેટની રાહ હતી. ન્યૂઝીલેન્ડ સામેની બીજી T20માં આ રાહ પૂરી થતાં ભુવનેશ્વર માટે આ મેચ ખાસ બની ગઈ હતી
1434 દિવસ બાદ ભુવનેશ્વરને મળી વિકેટ
ભુવનેશ્વર કુમારે ભારત માટે છેલ્લી T20 આંતરરાષ્ટ્રીય વિકેટ 20 નવેમ્બર 2022ના રોજ ન્યૂઝીલેન્ડ સામે માઉન્ટ મૌંગાનુઈમાં ઝડપી હતી. ત્યારબાદ તે નેપિયરમાં રમાયેલી મેચમાં પણ મેદાનમાં ઉતર્યો હતો, પરંતુ વિકેટ મેળવી શક્યો નહોતો.આગળ જતાં તેને ભારતીય ટીમમાંથી બહાર કરવામાં આવ્યો હતો. જોકે, તેણે સ્થાનિક ક્રિકેટમાં સારું પ્રદર્શન કરવાનું ચાલુ રાખ્યું હતું. IPLમાં પણ તેણે પોતાની બોલિંગથી પ્રભાવ પાડ્યો હતો. આ પ્રદર્શનના આધારે તેને ન્યૂઝીલેન્ડ સામેની પાંચ મેચની T20 શ્રેણી માટે ભારતીય ટીમમાં સામેલ કરવામાં આવ્યો હતો.વેસ્ટ ઇન્ડિઝ સામેની પાંચમી T20 મેચમાં પણ તેની વાપસી થઈ હતી, પરંતુ વરસાદને કારણે મેચ રદ થતાં તેને બોલિંગ કરવાની તક મળી નહોતી. ન્યૂઝીલેન્ડ સામેની પ્રથમ T20માં તેણે ચાર ઓવર ફેંકીને 49 રન આપ્યા હતા, પરંતુ એક પણ વિકેટ મેળવી શક્યો નહોતો.