ભારતીય મહિલા ક્રિકેટ ટીમને આગામી એશિયા કપ અને ત્યારબાદ રમાનારા એશિયન ગેમ્સ પહેલા મોટો ઝટકો લાગ્યો છે, જેમાં સ્ટાર ખેલાડી જેમીમા રોડ્રિગ્સ બહાર કરવામાં આવી છે. ઇંગ્લેન્ડમાં ધ હન્ડ્રેડ ટુર્નામેન્ટ દરમિયાન જેમીમાને હેમસ્ટ્રિંગમાં ઈજા થઈ હતી,જેના કારણે તે બહાર પડી ગઈ હતી. BCCI એ હવે સત્તાવાર રીતે આ ઈજાને કારણે આગામી એશિયા કપ અને એશિયન ગેમ્સમાંથી તેણીને બાકાત રાખવાની જાહેરાત કરી છે. BCCI દ્વારા જારી કરાયેલી એક પ્રેસ રિલીઝમાં, તેમણે જેમીમાના સ્થાને પ્રતિકા રાવલને એશિયા કપ ટીમમાં સામેલ કરવાની જાહેરાત કરી છે. ભારતીય મહિલા ટીમ 2026 એશિયા કપમાં પોતાની પહેલી મેચ 30 ઓગસ્ટે થાઇલેન્ડ, 3 સપ્ટેમ્બરે હોંગકોંગ અને ચીન અને 5 સપ્ટેમ્બરે પાકિસ્તાન મહિલા ટીમ સામે રમશે.
જેમીમા ટુર્નામેંટમાંથી થઈ બહાર
BCCI એ જણાવ્યું હતું કે 3 ઓગસ્ટે ઇંગ્લેન્ડમાં ધ હન્ડ્રેડ ટુર્નામેન્ટ દરમિયાન તેણીને જમણા હેમસ્ટ્રિંગમાં ઈજા થઈ હતી. BCCIની મેડિકલ ટીમે બેંગલુરુ સેન્ટર ઓફ એક્સેલન્સ ખાતે જેમિમાહની ઈજાની તપાસ કરી અને તેને હાઈ-ગ્રેડ ફાટી ગયેલી ઈજા તરીકે નિદાન કર્યું, જેનો અર્થ ગંભીર ઈજા છે. પરિણામે, જેમિમાહ 28 ઓગસ્ટથી UAEમાં યોજાનાર મહિલા એશિયા કપ અને 17 સપ્ટેમ્બરથી જાપાનમાં શરૂ થનારા એશિયન ગેમ્સના મહિલા ક્રિકેટ કાર્યક્રમમાંથી બહાર થઈ ગઈ છે. જેમિમાહને બાકાત રાખ્યા બાદ, BCCI મહિલા પસંદગી સમિતિએ તેના સ્થાને પ્રતિકા રાવલને એશિયા કપ ટીમમાં સ્થાન આપ્યું છે.