ન્યૂઝીલેન્ડ એ સામે લિંકનમાં રમાઈ રહેલી બિનસત્તાવાર ટેસ્ટ મેચમાં ભારતીય સ્ટાર બેટર દેવદત્ત પડિક્કલની ઐતિહાસિક ઇનિંગ્સનો અંત અત્યંત વિવાદાસ્પદ અને દુર્ભાગ્યપૂર્ણ રીતે થયો છે. કરિયરની પ્રથમ ફર્સ્ટ ક્લાસ બેવડી સદીથી માત્ર 1 રન દૂર રહેલો પડિક્કલ 199 રનના વ્યક્તિગત સ્કોરે કેચ આઉટ અપાતાં મેદાન પર સ્તબ્ધ થઈ ગયો હતો. અમ્પાયરના આ નિર્ણયને લઈને હવે ક્રિકેટ વર્તુળોમાં ભારે ચર્ચા જાગી છે.
199 રને કેચ આઉટ: મેદાન પર શું બન્યું?
આ વિવાદ ન્યૂઝીલેન્ડ એના બોલર જેક ગિબ્સનની બોલિંગ દરમિયાન સર્જાયો હતો. ગિબ્સને લેગ સાઇડ તરફ ફેંકેલા બોલને પડિક્કલે હળવા હાથે ફ્લિક કરવાનો પ્રયાસ કર્યો હતો. બોલ પેડ સાથે અથડાઈને વિકેટકીપરના ગ્લોવ્ઝમાં સમાઈ ગયો હતો. કિવી ખેલાડીઓની અપીલ પર ફિલ્ડ અમ્પાયરે કોઈ પણ ખચકાટ વિના આંગળી ઊંચી કરી દીધી હતી.અમ્પાયરનો નિર્ણય જોતાં જ પડિક્કલ ચોંકી ગયો હતો. તેના ચહેરાના હાવભાવ દર્શાવતા હતા કે તે અમ્પાયરને સ્પષ્ટતા કરી રહ્યો હતો કે બોલ બેટને અડ્યો જ નથી અને માત્ર પેડ પર વાગ્યો છે.
https://x.com/Vaibhavdhakad18/status/2114548350062108960?s=20
શું નિર્ણય ખરેખર ખોટો હતો?
ક્રિકેટ નિયમો મુજબ, કેચ બિહાઇન્ડ માટે બોલ બેટ અથવા ગ્લોવ્ઝને અડવો ફરજિયાત છે. જો બોલ માત્ર પેડને અડ્યો હોય તો બેટ્સમેન કેચ આઉટ થઈ શકે નહીં. અપીલ ઘણી હળવી હોવા છતાં અમ્પાયરે તેને આઉટ આપ્યો હતો. જોકે, ડીઆરએસ (DRS) કે સ્પષ્ટ સ્નિકોમીટર અને અલ્ટ્રાએજ જેવા પુરાવા ઉપલબ્ધ ન હોવાને કારણે સત્તાવાર રીતે નિર્ણયને ખોટો સાબિત કરવો મુશ્કેલ છે, પરંતુ પડિક્કલની હતાશા સ્પષ્ટપણે મેદાન પર દેખાઈ રહી હતી.
અમ્પાયરના નિર્ણય પડિક્કલ નારાજ
પડિક્કલ બેવડી સદી ફટકારવાથી માત્ર 1 રન દૂર રહી ગયો હતો. જોકે, આ ઇનિંગ્સ સાથે તેણે ઇન્ડિયા એ માટે સૌથી મોટો વ્યક્તિગત સ્કોર નોંધાવ્યો હતો. ન્યૂઝીલેન્ડ એ સામેની આ તેની ત્રીજી સદી હતી.આ ઉપરાંત, પડિક્કલે આ ઇનિંગ્સ દરમિયાન ઇન્ડિયા એ માટે ફર્સ્ટ ક્લાસ ક્રિકેટમાં પોતાના 1000 રન પણ પૂરા કર્યા હતા. તેની આ ઇનિંગ્સે ફરી એકવાર તેની બેટિંગ ક્ષમતા સાબિત કરી હતી.બેવડી સદીની નજીક પહોંચ્યા બાદ આ રીતે આઉટ થવું પડિક્કલ માટે નિરાશાજનક રહ્યું હશે. હવે આ ઘટનામાં અમ્પાયરના નિર્ણય અંગે ચર્ચા થઈ રહી છે, પરંતુ સ્પષ્ટ દૃશ્યો વિના તેને ખોટો નિર્ણય ગણાવવો યોગ્ય નથી.
આ પણ વાંચો - Ishan Kishan ત્રીજી T20માંથી OUT! હવે વૈભવ સૂર્યવંશીને મળશે પ્લેઇંગ 11માં તક?
