ભારત અને ઇંગ્લેન્ડ વચ્ચે પાંચ મેચની T20 સીરિઝ ચાલી રહી છે. પ્રથમ મેચ પછી, હવે બીજી મેચનો સમય આવી ગયો છે. સીરિઝની બીજી મેચ 4 જુલાઈ શનિવારના રોજ માન્ચેસ્ટરમાં રમાશે. ટીમો મેચ માટે તૈયારી કરવા માટે તૈયાર છે. દરમિયાન, મેચના માત્ર 24 કલાક પહેલા ઇંગ્લેન્ડે આ મેચ માટે તેમની પ્લેઇંગ ઇલેવનની જાહેરાત કરી. બે ફેરફારો કરવામાં આવ્યા છે. જોફ્રા આર્ચર પરત ફરી રહ્યા છે, જ્યારે જોશ ટોંગને રમવાની પહેલી તક મળશે.
બીજી T20 માટે ઈંગ્લેન્ડની ટીમમાં બે ફેરફાર
બીજી T20 માટે ઈંગ્લેન્ડે પોતાની ટીમમાં બે મહત્વના ફેરફાર કર્યા છે. સ્ટાર ફાસ્ટ બોલર જોફ્રા આર્ચરની ટીમમાં વાપસી થઈ છે, જ્યારે યુવા ઝડપી બોલર જોશ ટંગને T20 આંતરરાષ્ટ્રીય ક્રિકેટમાં ડેબ્યૂ કરવાની તક આપવામાં આવી છે. બીજી તરફ સાકિબ મહમૂદ અને લ્યુક વુડને પ્લેઈંગ ઈલેવનમાંથી બહાર રાખવામાં આવ્યો છે.
https://x.com/englandcricket/status/2073022444600688841?s=20
અનુભવી અને યુવા ખેલાડીઓનું કોમ્બિનેશન
ભારત સામેની બીજી T20 માટે ઈંગ્લેન્ડની પ્લેઈંગ ઈલેવનમાં ફિલ સોલ્ટ, જોસ બટલર (વિકેટકીપર), હેરી બ્રુક (કેપ્ટન), જેકબ બેથેલ, ટોમ બેન્ટન, સેમ કરન, વિલ જેક્સ, લિયામ ડોસન, જોફ્રા આર્ચર, આદિલ રશીદ અને જોશ ટંગનો સમાવેશ કરવામાં આવ્યો છે. અનુભવી અને યુવા ખેલાડીઓના સંતુલન સાથે ઈંગ્લેન્ડ મજબૂત પ્રદર્શન કરવાની આશા રાખી રહ્યું છે.
પહેલા મેચ વરસાદમાં ધોવાઈ હતી
સીરિઝની પ્રથમ T20 માં ભારતે પહેલા બેટિંગ કરતાં 190 રનનો મજબૂત સ્કોર ઉભો કર્યો હતો. જોકે ઈંગ્લેન્ડની ઈનિંગ શરૂ થાય તે પહેલાં જ વરસાદ પડતાં મેચ રદ કરવી પડી હતી. તેથી બંને ટીમો વચ્ચેનો સ્પર્ધાત્મક મુકાબલો હજુ પણ ચાહકોને જોવા મળ્યો નથી.
બંને ટીમોની નજર જીત પર
પ્રથમ મેચમાં ભારતની શરૂઆત ખરાબ રહી હતી. સંજુ સેમસન અને ઈશાન કિશન ઝડપથી પેવેલિયન પરત ફર્યા હતા. ત્યારબાદ કેપ્ટન શ્રેયસ અય્યર અને અભિષેક શર્માએ જવાબદારી સંભાળી હતી. અભિષેકે માત્ર 24 બોલમાં 59 રનની તોફાની ઇનિંગ રમી હતી, જ્યારે શ્રેયસે 47 બોલમાં 68 રન બનાવ્યા હતા. શિવમ દુબેએ પણ 21 બોલમાં અણનમ 42 રન ફટકારી ભારતને 190 રન સુધી પહોંચાડ્યું હતું. હવે બીજી T20 માં બંને ટીમો જીત સાથે શ્રેણીમાં લીડ મેળવવાના ઇરાદા સાથે મેદાનમાં ઉતરશે.
આ પણ વાંચો -England ODI Squad : વનડે સિરીઝ માટે ઇંગ્લેન્ડ ટીમની જાહેરાત, 16 વર્ષની ઉંમરે ડેબ્યૂ કરનાર ખેલાડી માટે તક
