ભારત સામેની પ્રથમ T20 મેચમાં પહેલા બેટિંગ કરવા ઉતરેલી અફઘાનિસ્તાનની ક્રિકેટ ટીમે 20 ઓવરમાં 8 વિકેટ ગુમાવીને156 રન બનાવ્યા છે. અઝમતુલ્લાહ ઓમરઝાઈ 64 રન સાથે ટીમનો સર્વોચ્ચ સ્કોરર રહ્યો હતો. ભારત તરફથી અર્શદીપ સિંહે 3 વિકેટ ઝડપી હતી. ભારતને હવે જીત મેળવવા માટે 157 રનનું લક્ષ્ય મળ્યું છે.
બુમરાહે વિકેટ ઝડપી બનાવ્યો રેકોર્ડ
આ અગાઉ, અફઘાનિસ્તાનની અડધી ટીમ માત્ર 43 રનના સ્કોર પર જ પેવેલિયન ભેગી થઈ ગઈ હતી. ભારતીય સ્ટાર ફાસ્ટ બોલર જસપ્રીત બુમરાહે મેચની પ્રથમ જ ઓવરમાં રહમાનુલ્લાહ ગુરબાઝને ખાતું ખોલ્યા વિના આઉટ કરીને ભારતને શાનદાર શરૂઆત અપાવી હતી. આ સફળતા મેળવવાની સાથે જ બુમરાહે T20 ક્રિકેટમાં એક મહત્ત્વપૂર્ણ સિદ્ધિ પોતાના નામે કરી લીધી છે. તેઓ T20 ફોર્મેટમાં 350 વિકેટ ઝડપનારા માત્ર ત્રીજા ભારતીય અને બીજા ભારતીય ફાસ્ટ બોલર બની ગયા છે.