ક્રિકેટ જગતમાં જ્યારે ક્લાસ અને સાતત્યની વાત આવે છે, ત્યારે ઇંગ્લેન્ડના સ્ટાર બેટ્સમેન જો રૂટનું નામ હંમેશા ધ્યાનમાં આવે છે. ભારત સામેની તાજેતરની ODI સીરિઝમાં, રૂટે એક એવી સિદ્ધિ હાંસલ કરી જે ODI ક્રિકેટમાં કોઈ અન્ય બેટ્સમેન ક્યારેય મેળવી શક્યો નથી. સમગ્ર સીરિઝ દરમિયાન, ભારતીય બોલરોએ દરેક રણનીતિનો ઉપયોગ કર્યો, પરંતુ જો રૂટને એક પણ વાર આઉટ કરવામાં નિષ્ફળ ગયા.
જો રૂટે વર્લ્ડ રેકોર્ડ તોડ્યો
ઐતિહાસિક લોર્ડ્સના મેદાન પર સીરિઝની અંતિમ ODIમાં, જો રૂટે ફક્ત 48 બોલમાં અણનમ 74 રનની ધમાકેદાર ઇનિંગ રમી. આ આખી શ્રેણી જો રૂટની હતી. આ અંતિમ મેચ પહેલા, તેણે શ્રેણીની શરૂઆતની મેચમાં અણનમ 76 અને બીજી મેચમાં અણનમ 99 રનની શાનદાર ઇનિંગ રમી હતી. ત્રણ મેચની આખી સીરિઝ માં, રૂટે કુલ 257 બોલનો સામનો કર્યો અને આઉટ થયા વિના 249 રન બનાવ્યા. આ સાથે, તેણે ODI શ્રેણીમાં આઉટ થયા વિના સૌથી વધુ રન બનાવવાનો વિશ્વ રેકોર્ડ બનાવ્યો છે. તેણે ઇંગ્લેન્ડના જોસ બટલરના 248 રનના રેકોર્ડને પાછળ છોડી દીધો.