ભારત અને ન્યૂઝીલેન્ડ વચ્ચે ટી-20 શ્રેણી પૂરી થયા બાદ હવે વનડે શ્રેણીનો પ્રારંભ થયો છે. ઓકલેન્ડમાં રમાઈ રહેલી પ્રથમ વનડે મેચ સાથે બંને ટીમો વચ્ચે 5 મેચની શ્રેણીનો પ્રારંભ થયો છે. આ મેચમાં ભારતીય ટીમના કેપ્ટન શુભમન ગિલે ટોસ જીતીને પહેલાં બોલિંગ કરવાનો નિર્ણય લીધો છે.
ટીમ ઈન્ડિયાની પ્લેઇંગ-11માં મોટો ફેરફાર
ભારતીય ટીમે આ મેચ માટે પોતાની પ્લેઇંગ-11માં ખાસ ફેરફાર કર્યા છે. કેપ્ટન શુભમન ગિલે 4 ઝડપી બોલરોને ટીમમાં સ્થાન આપ્યું છે. જોકે, આ ચાર બોલરોની યાદીમાં અનુભવી ફાસ્ટ બોલર મોહમ્મદ સિરાજનું નામ સામેલ નથી. સિરાજને આ મેચમાં આરામ આપવામાં આવ્યો છે. આ રીતે તે સતત છઠ્ઠી મેચમાં ભારતીય ટીમની પ્લેઇંગ-11માંથી બહાર રહ્યો છે.
4 બોલરને મળ્યું સ્થાન
ભારતીય ટીમે આ મેચમાં ઝડપી બોલિંગ આક્રમણને મજબૂત બનાવવાનો પ્રયાસ કર્યો છે. અર્શદીપ સિંહ, અંશુલ કંબોજ, ગુરનૂર બરાડ અને આકિબ નબી જેવા બોલરોને તક આપવામાં આવી છે. બીજી તરફ, બેટિંગની જવાબદારી રોહિત શર્મા, શુભમન ગિલ, વિરાટ કોહલી અને શ્રેયસ ઐયર જેવા અનુભવી ખેલાડીઓના ખભા પર રહેશે.
https://x.com/BCCI/status/2117797607657685196?a=dGmToN4GLLTVdOdLr74&s=20
ભારતની પ્લેઇંગ-11
રોહિત શર્મા, શુભમન ગિલ (કેપ્ટન), વિરાટ કોહલી, શ્રેયસ ઐયર, કેએલ રાહુલ, અક્ષર પટેલ, નમન ધીર, અંશુલ કંબોજ, ગુરનૂર બરાડ, અર્શદીપ સિંહ અને આકિબ નબી.
ન્યૂઝીલેન્ડની પ્લેઇંગ-11
ટિમ સેફર્ટ, વિલ યંગ, હેનરી નિકોલ્સ, ડેરિલ મિચેલ, ટોમ લાથમ, ગ્લેન ફિલિપ્સ, મિચેલ સેન્ટનર (કેપ્ટન), નાથન સ્મિથ, કાયલ જેમિસન, જેકબ ડફી અને બ્લેર ટિકનર.
મોહમ્મદ સિરાજ બહાર
હવે જોવાનું રહેશે કે ભારતીય ટીમના 4 ઝડપી બોલરો ન્યૂઝીલેન્ડના બેટ્સમેનો સામે કેવું પ્રદર્શન કરે છે. સાથે જ મોહમ્મદ સિરાજની ગેરહાજરીમાં ભારતીય બોલિંગ આક્રમણ કેટલું અસરકારક સાબિત થાય છે તેના પર પણ ક્રિકેટ ચાહકોની નજર રહેશે.
આ પણ વાંચો - LIVEIND vs NZ 1st ODI LIVE : ન્યુઝીલેન્ડની બેટિંગ શરૂ, ટિમ સેઈફર્ટ અને વિલ યંગ ક્રિઝ પર
