ભારત અને ન્યૂઝીલેન્ડ વચ્ચેની બીજી વનડે મેચ પહેલાં ક્રિકેટ ચાહકો માટે માઠા સમાચાર સામે આવ્યા છે. ઓકલેન્ડમાં પ્રથમ વનડેમાં શાનદાર જીત મેળવ્યા બાદ ભારતીય ટીમની નજર હવે બીજી મેચ જીતીને સિરીઝમાં 2-0ની સરસાઈ મેળવવા પર છે. જોકે, આ મેચમાં વરસાદ વિલન બની શકે છે. વેલિંગ્ટનના હવામાનની આગાહીએ ચાહકોની ચિંતા વધારી છે. AccuWeatherના પૂર્વાનુમાન પ્રમાણે મેચ શરૂ થવાના સમયે જ વરસાદ પડવાની શક્યતા છે. આવી સ્થિતિમાં મેચ સમયસર શરૂ થશે કે નહીં તે મોટો સવાલ છે.
વેલિંગ્ટનમાં બીજી વનડે પર વરસાદનું સંકટ
ભારત અને ન્યૂઝીલેન્ડ વચ્ચે બીજી વનડે મેચ શનિવાર, 7 નવેમ્બરે વેલિંગ્ટનના સ્કાય સ્ટેડિયમમાં રમાવાની છે. આ મેદાન પર બંને ટીમો તાજેતરમાં T20 સિરીઝ દરમિયાન પણ ટકરાઈ હતી. તે સમયે હવામાન અનુકૂળ રહ્યું હતું, પરંતુ આ વખતે વરસાદ મેચની મજા બગાડી શકે છે.AccuWeatherના હવામાન પૂર્વાનુમાન મુજબ વેલિંગ્ટનમાં બપોર બાદ વરસાદની શક્યતા વ્યક્ત કરવામાં આવી છે. ખાસ કરીને મેચ શરૂ થવાના સમયે જ વરસાદ પડવાની આશંકા છે.
મેચ શરૂ થવાના સમયે જ 60 ટકા વરસાદની શક્યતા
ભારત અને ન્યૂઝીલેન્ડ વચ્ચેની બીજી વનડે ભારતીય સમય પ્રમાણે સવારે 7 વાગ્યે નહીં, પરંતુ ન્યૂઝીલેન્ડના સ્થાનિક સમય મુજબ બપોરે 3 વાગ્યે શરૂ થવાની છે. જોકે, AccuWeatherના પૂર્વાનુમાન પ્રમાણે સ્થાનિક સમય મુજબ બપોરે 3 અને 4 વાગ્યે વરસાદની આશરે 60 ટકા શક્યતા છે.જો હવામાનની આ આગાહી સાચી સાબિત થાય તો મેચ સમયસર શરૂ થવામાં મુશ્કેલી પડી શકે છે. વરસાદને કારણે શરૂઆતના ઓવર ગુમાવવા પડી શકે છે. એટલું જ નહીં, વરસાદ લાંબો સમય ચાલુ રહે તો મેચમાં ઓવરની સંખ્યા પણ ઘટાડવી પડી શકે છે.
https://x.com/CricSubhayan/status/2118471083015934163?a=01HWUwP08FL59grXn6M&s=20
વચ્ચેના 5 કલાકમાં મળી શકે છે રાહત
વરસાદની આગાહી વચ્ચે ક્રિકેટ ચાહકો માટે થોડી રાહતના સમાચાર પણ છે. હવામાનના પૂર્વાનુમાન મુજબ શરૂઆતના વરસાદ બાદ લગભગ 5 કલાક સુધી વરસાદની શક્યતા ઓછી છે. એટલે કે જો મેચ શરૂ કરવામાં વિલંબ થાય તો પણ ત્યારબાદ ક્રિકેટ રમાવાની તક મળી શકે છે.જોકે, રાત્રે 10 વાગ્યા પછી ફરી વરસાદની શક્યતા વ્યક્ત કરવામાં આવી છે. આવી સ્થિતિમાં મેચ પૂર્ણ થાય તે પહેલાં ફરી વરસાદનું વિઘ્ન આવી શકે છે. પરિણામે મેચનું પરિણામ નક્કી કરવામાં પણ મુશ્કેલી ઊભી થઈ શકે છે.
ભારતની નજર સિરીઝમાં 2-0ની સરસાઈ પર
ભારતીય ટીમે પ્રથમ વનડેમાં ન્યૂઝીલેન્ડને હરાવીને સિરીઝમાં 1-0ની સરસાઈ મેળવી છે. હવે શુભમન ગિલની આગેવાની હેઠળની ટીમ બીજી મેચ જીતીને સિરીઝમાં 2-0ની સરસાઈ મેળવવા માગશે.બીજી તરફ ન્યૂઝીલેન્ડની ટીમ ઘરઆંગણે વાપસી કરવા માટે પૂરો પ્રયાસ કરશે. જોકે, વરસાદને કારણે બંને ટીમોની તૈયારીઓ પર પાણી ફરી શકે છે.હવે ક્રિકેટ ચાહકોની નજર માત્ર બંને ટીમોના પ્રદર્શન પર જ નહીં, પરંતુ વેલિંગ્ટનના હવામાન પર પણ રહેશે. જો વરસાદે વિઘ્ન ન નાખ્યું તો ચાહકોને રોમાંચક મુકાબલો જોવા મળી શકે છે.
આ પણ વાંચો - IND vs NZ: આકિબ નબીનું પત્તું કપાશે? બીજી વનડેમાં સિરાજને તક આપશે કેપ્ટન ગિલ?
