ભારત અને શ્રીલંકા વચ્ચેની પહેલી ટેસ્ટ મેચ આજથી ગાલેમાં શરૂ થઈ રહી છે. ભારતીય કેપ્ટન શુભમન ગિલે ટોસ જીતીને પહેલા બેટિંગ કરવાનો નિર્ણય લીધો. ભારતના કેપ્ટન માટે આ મેદાન પર જીત મેળવવાનો પડકાર રહેશે. ટીમ ઈન્ડિયા 11 વર્ષથી શ્રીલંકા સામે ટેસ્ટમાં અજેય રહી છે. જોકે, પોતાની જીતનો સિલસિલો ચાલુ રાખવા માટે,ટીમ ઈન્ડિયાએ સારું પ્રદર્શન કરવું પડશે.વર્લ્ડ ટેસ્ટ ચેમ્પિયનશિપની દ્રષ્ટિએ આ સીરિઝ ભારત માટે મહત્વપૂર્ણ છે. ત્યારે ટીમ ઈન્ડિયા 40 ઓવરમાં સ્કોર 175/1 દેવદત્ત પડિકલ અને કેએલ રાહુલે મજબૂત પકડ બની છે
ચાના સમય સુધીમાં ભારતનો સ્કોર 200 રનની નજીક
ભારત અને શ્રીલંકા વચ્ચેની ગાલે ટેસ્ટનો પહેલો દિવસ ચાના સમય સુધી ટીમ ઈન્ડિયાના પક્ષમાં રહ્યો છે. કેએલ રાહુલ અને દેવદત્ત પડિકલે બીજી વિકેટ માટે 150 રન જોડી દીધા છે. ભારતે 53 ઓવર પછી એક વિકેટે 197 રન બનાવી લીધા છે.
ટીમ ઈન્ડિયાની શાનદાર બેટિંગ
ભારતે 49 ઓવરમાં એક વિકેટે 179 રન બનાવ્યા છે. હાલમાં દેવદત્ત પડિકલ 80 રન અને કેએલ રાહુલ 63 રન પર બેટિંગ કરી રહ્યા છે. બંને વચ્ચે 132 રનની ભાગીદારી થઈ છે. ભારતને એકમાત્ર ફટકો યશસ્વી જયસ્વાલના રૂપમાં લાગ્યો હતો. તે 32 રન બનાવીને રનઆઉટ થયો હતો. શ્રીલંકાના બોલરો કોઈ વિકેટ લઈ શક્યા ન હતા.
રાહુલની અડધી સદી
કેએલ રાહુલે તેની 21મી ટેસ્ટ અડધી સદી ફટકારી. તેણે અને પડિકલે હવે બીજી વિકેટ માટે 100 થી વધુ રનની ભાગીદારી કરી છે. ભારતનો સ્કોર એક વિકેટે 154 રન છે. યશસ્વી જયસ્વાલ 32 રને રન આઉટ થયો.
https://x.com/BCCI/status/2088561726082121755?s=20
દેવદત્ત પડિક્કલે અર્ધસદી ફટકારી
આ દરમિયાન દેવદત્ત પડિકલે પોતાની અડધી સદી પૂરી કરી. તેણે 81 બોલમાં ચાર ચોગ્ગા અને એક છગ્ગાની મદદથી પોતાની અડધી સદી પૂરી કરી. આ દરમિયાન, ઇનિંગની શરૂઆત કરવા આવેલા રાહુલ હજુ પણ37 રન બનાવીને બેટિંગ કરી રહ્યા છે. ભારતનો સ્કોર એક વિકેટે 122 રન પર પહોંચી ગયો છે.
બીજા સત્રનો પ્રારંભ
બીજું સત્ર શરૂ થઈ ગયું છે. દેવદત્ત પડિકલ હાલમાં 38રન અને કેએલ રાહુલ 34 રન સાથે ક્રીઝ પર છે. 30 ઓવર પછી, ભારતનો સ્કોર એક વિકેટે 106 રન છે. બંનેએ બીજી વિકેટ માટે અડધી સદીની ભાગીદારી કરી છે.
લંચ બ્રેક દરમિયાન વરસાદ શરૂ થયો
ભારત વિરુદ્ધ શ્રીલંકા મેચમાં લંચ બ્રેક હાલમાં ચાલી રહ્યો છે. આ દરમિયાન, વરસાદના અહેવાલો સામે આવ્યા છે. વિરામ સમયે, આકાશમાં કાળા વાદળો છવાયેલા હતા, પરંતુ વરસાદ પડી રહ્યો ન હતો. સાવચેતી તરીકે મેદાન ઢંકાયેલું હતું, પરંતુ હવે ઝરમર વરસાદ શરૂ થઈ ગયો છે. આખું મેદાન ચાદરથી ઢંકાયેલું છે.
લંચ સમયે ભારતનો સ્કોર 101/1
ગાલે ટેસ્ટના પહેલા દિવસે, ભારતે તેની પહેલી ઇનિંગમાં લંચ સમયે 1 વિકેટે 101 રન બનાવ્યા હતા. દેવદત્ત પડિકલ 35 અને કેએલ રાહુલ 32 રન બનાવીને અણનમ હતા. લંચ સુધી 27 ઓવર રમાઈ હતી. ગાલેમાં પહેલા સત્રના અંતે વરસાદને કારણે રમતમાં વિક્ષેપ પડ્યો હતો, ત્યારબાદ પીચને ઢાંકી દેવામાં આવી હતી.
https://x.com/BCCI/status/2088515249255395575?s=20
રાહુલ અને પડિકલ મજબૂત છે.
ભારતે 26 ઓવર પછી એક વિકેટ ગુમાવીને 100 રન બનાવી લીધા છે. પડિકલ હાલમાં 34 રન સાથે ક્રીઝ પર છે અને કેએલ રાહુલ 32 રન સાથે રમતમાં છે. બંનેએ પહેલાથી જ અડધી સદીની ભાગીદારી કરી લીધી છે. ભારતને પહેલો ઝટકો 47 રન પર લાગ્યો જ્યારે યશસ્વી જયસ્વાલ રન આઉટ થયો.
જયવાલ કેવી રીતે આઉટ થયો
તે 11મી ઓવરનો છેલ્લો બોલ હતો, જે કેસરા નુવંથાએ ફેંક્યો હતો. રાહુલ સ્ટ્રાઈક પર હતો અને જયસ્વાલ બીજા છેડે ઊભો હતો. રાહુલનો સ્ટ્રોક બોલર તરફ પાછો ગયો. બોલરે બોલ રોકવાનો પ્રયાસ કર્યો, પરંતુ જયસ્વાલ દોડતો હતો, તેની સાથે અથડાઈ ગયો અને નીચે પડી ગયો. ત્યાં સુધીમાં, રાહુલ બીજા છેડે પહોંચી ગયો હતો. જયસ્વાલે નોન-સ્ટ્રાઈકર એન્ડ સુધી પહોંચવાનો પ્રયાસ કર્યો, પરંતુ ઘણું મોડું થઈ ગયું હતું.
https://x.com/BCCI/status/2088506112165466112?s=20
ટીમ ઈન્ડિયાએ પ્રથમ વિકેટ ગુમાવી
ભારતની પહેલી વિકેટ પડી ગઈ છે. ઓપનર યશસ્વી જયસ્વાલ આઉટ થયો છે. તેણે 37 બોલમાં 32 રનની ટૂંકી ઇનિંગ રમી હતી, જેમાં પાંચ ચોગ્ગા ફટકાર્યા હતા. નોંધપાત્ર વાત એ છે કે જયસ્વાલ રન આઉટ થયો હતો. રન બનાવવાની ઉતાવળમાં, તેણે ભૂલ કરી, જેના પરિણામે ભારતની પહેલી વિકેટ પડી.
યશસ્વી અને રાહુલની જોડી સેટલ થઈ રહી છે.
યશસ્વી અને રાહુલની જોડી સેટલ થઈ રહી છે. ગાલે ટેસ્ટના પ્રથમ દાવમાં, ભારતના ઓપનર, યશસ્વી જયસ્વાલ અને કેએલ રાહુલ, સેટલ દેખાઈ રહ્યા છે. આઠ ઓવર પછી ભારતે 34 રન બનાવ્યા, જેમાં એકલા યશસ્વીએ 23 રન બનાવ્યા.
https://x.com/BCCI/status/2088485612781543737?s=20
ટીમ ઈન્ડિયાની પ્લેઇંગ 11
યશસ્વી જયસ્વાલ, કેએલ રાહુલ, શુભમન ગિલ (કેપ્ટન), દેવદત્ત પડિકલ, ઋષભ પંત (વિકેટકીપર), રવિન્દ્ર જાડેજા, ધ્રુવ જુરેલ, કુલદીપ યાદવ, માનવ સુથાર, મોહમ્મદ સિરાજ, પ્રખ્યાત કૃષ્ણા
શ્રીલંકા પ્લેઇંગ 11
લાહિરુ ઉદારા, નિશાન મદુષ્કા, દિનેશ ચંદીમલ, કામિન્દુ મેન્ડિસ, ધનંજયા ડી સિલ્વા (કેપ્ટન), સોનલ દીનુષા, નિરોશન ડિકવેલા (વિકેટકીપર), કેશરા નુવંથા, પ્રભાત જયસૂર્યા, લાહિરુ કુમારા, અસિથા ફેરો.
આ શ્રેણી વર્લ્ડ ટેસ્ટ ચેમ્પિયનશિપ હેઠળ રમાઈ રહી છે.
વર્લ્ડ ટેસ્ટ ચેમ્પિયનશિપ હેઠળ ટીમ ઈન્ડિયાનું આગામી મિશન શ્રીલંકા શ્રેણી છે, જેની પહેલી મેચ આજે છે. ટીમ ઈન્ડિયા WTC પોઈન્ટ ટેબલમાં 5મા ક્રમે છે, જ્યારે શ્રીલંકા 6ઠ્ઠા ક્રમે છે. આ મેચ બંને ટીમો માટે મહત્વપૂર્ણ છે. જે પણ ટીમ જીતે છે તે તેમના PCTમાં વધારો કરશે. શુભમન ગિલ શ્રેણીમાં ભારતીય ટીમનું નેતૃત્વ કરે છે, જ્યારે શ્રીલંકાની કમાન ધનંજય ડી સિલ્વા સંભાળે છે. ગિલના નેતૃત્વમાં, ભારતીય ટીમ ટેસ્ટમાં અપેક્ષા મુજબ સારું પ્રદર્શન કરી શકી નથી. તેથી, આ શ્રેણી તેમના માટે એક મોટી કસોટી છે.
સરફરાઝ ખાનને તક મળી નથી
કેપ્ટન શુભમન ગિલે ટોસ પર પોતાની પ્લેઈંગ ઈલેવનની જાહેરાત કરી. સરફરાઝ ખાનને તક મળી નથી. ધ્રુવ જુરેલ અને દેવદત્ત પડિકલ રમી રહ્યા છે. જસપ્રીત બુમરાહની જગ્યાએ આવેલા આકિબ નબી પણ આજની મેચ રમી રહ્યા નથી.ભારતની ટીમમાં બે મોટા ફેરફારો કરવામાં આવ્યા છે. બીસીસીઆઈએ આ શ્રેણી માટે ટીમની જાહેરાત કરી ત્યારથી, બે મોટા ફેરફારો કરવામાં આવ્યા છે. જસપ્રીત બુમરાહ અને સાઈ સુદર્શન શરૂઆતમાં ટીમનો ભાગ હતા, પરંતુ ઈજાને કારણે તેઓ બહાર થઈ ગયા છે. તેમના સ્થાને આકિબ નબી અને સરફરાઝ ખાનનો સમાવેશ કરવામાં આવ્યો છે.
આ પણ વાંચો - TNPL 2026: મેચ દરમિયાન ફોન ઉપયોગ કરવો ખેલાડીને ભારે પડ્યો! BCCI એ ફટકાર્યો દંડ