IPL 2026ની રોમાંચક સીઝન પૂર્ણ થઈ ગઈ છે, પરંતુ મેદાનની બહારના વિવાદો હજુ પણ ચાલુ છે. સોશિયલ મીડિયા પ્લેટફોર્મ ઈન્સ્ટાગ્રામ પર હાલમાં એક ડ્રામા ચાલી રહ્યો છે. મીડિયા રિપોર્ટ મુજબ ટુર્નામેન્ટ સમાપ્ત થયા પછી ભારતીય ક્રિકેટના ઘણા અગ્રણી સ્ટાર્સે એકબીજાથી ડિજિટલ અંતર જાળવી રાખ્યું છે.
મુંબઈ ઈન્ડિયન્સ ટીમમાં આંતરિક ઝઘડો હવે ખુલીને સામે આવી ગયો છે. કેપ્ટન હાર્દિક પંડ્યા અને યુવા બેટ્સમેન તિલક વર્માએ એકબીજાને ઈન્સ્ટાગ્રામ પર અનફોલો કરી દીધા છે. એવું કહેવામાં આવી રહ્યું છે કે હાર્દિકે સિઝન દરમિયાન તિલકને "રિટાયર" લેવાના નિર્ણય પછી તેમના સંબંધોમાં ખટાશ આવી ગઈ હતી.
હાર્દિકે ઘણા ખેલાડીઓને કર્યા અનફોલો
જો ઈન્ટરનેટ પર ચાલી રહેલી ચર્ચા પર વિશ્વાસ કરવામાં આવે તો હાર્દિક પંડ્યાનું આ પગલું ફક્ત તિલક વર્મા સુધી મર્યાદિત નથી. મીડિયા રિપોર્ટ મુજબ હાર્દિક પંડ્યાની ઈન્સ્ટાગ્રામ પ્રવૃત્તિમાં રોહિત શર્મા અને સૂર્યકુમાર યાદવ જેવા સિનિયર ખેલાડીઓ પ્રત્યે પણ અંતર જોવા મળ્યું છે.
હાર્દિક પંડ્યાએ રોહિત શર્મા અને સૂર્યકુમાર યાદવ જેવા સીનિયર ખેલાડીઓને પણ અનફોલો કર્યા છે. આનાથી મુંબઈ ઈન્ડિયન્સના ડ્રેસિંગ રૂમના વાતાવરણ પર ગંભીર સવાલો ઉભા થયા છે.
લખનૌ સુપર જાયન્ટ્સ તરફથી મહત્વપૂર્ણ સમાચાર
આ દરમિયાન લખનૌ સુપર જાયન્ટ્સ કેમ્પમાંથી મહત્વપૂર્ણ સમાચાર સામે આવી રહ્યા છે. સ્ટાર ખેલાડી રિષભ પંતે ઈન્સ્ટાગ્રામ પર લખનૌ ફ્રેન્ચાઈઝીને અનફોલો કરી દીધી છે. લખનૌ માટે IPL 2026 સીઝનમાં નિરાશાજનક પ્રદર્શન બાદ રિષભ પંત અને ટીમ મેનેજમેન્ટ વચ્ચે વધતા મતભેદના અહેવાલો આવ્યા છે.
રિષભ પંતની નારાજગી?
રિષભ પંત દ્વારા LSG ને અનફોલો કરવું એ સ્પષ્ટ સંકેત છે કે તે ફ્રેન્ચાઈઝીથી નાખુશ છે. ક્રિકેટ નિષ્ણાંતો માને છે કે રિષભ પંત આગામી મેગા ઓક્શન અથવા ટ્રાન્સફર વિન્ડો પહેલાં ટીમ છોડી શકે છે. આધુનિક ક્રિકેટમાં સોશિયલ મીડિયા પર અનફોલો કરવું એ ખેલાડીના ટીમ બદલવાના ઈરાદાનો મજબૂત સંકેત માનવામાં આવે છે.
આ પણ વાંચો: Vaibhav Sooryavanshi પર થયો પૈસાનો વરસાદ, ઓરેન્જ કેપ સહિત આ એવોર્ડ જીત્યા
