રોયલ ચેલેન્જર્સ બેંગલુરુએ ગુજરાત ટાઈટન્સને 5 વિકેટથી હરાવીને ઈન્ડિયન પ્રીમિયર લીગ 2026ની 19મી સીઝન જીતી લીધી. રવિવાર 31 મેના રોજ અમદાવાદના નરેન્દ્ર મોદી સ્ટેડિયમ ખાતે યોજાયેલી ટાઈટલ મેચમાં RCBને જીતવા માટે 156 રનનો ટાર્ગેટ આપવામાં આવ્યો હતો, જે તેમને 12 બોલ બાકી રહેતા પ્રાપ્ત કર્યો. આ સતત બીજું IPL ટાઈટલ છે. ગયા વર્ષે તેઓએ પંજાબ કિંગ્સને હરાવીને પહેલીવાર IPL ટ્રોફી જીતી હતી.
ટાઈટલ જીત્યા બાદ RCB કેમ્પમાં સેલિબ્રેશનનો માહોલ જોવા મળ્યો જેણે સોશિયલ મીડિયામાં ભારે ઉત્સાહ ફેલાવ્યો. સતત બીજી વખત ટ્રોફી જીતીને RCB હવે IPL ઈતિહાસની સૌથી ખાસ ટીમોમાંની એક બની ગઈ છે. ખેલાડીઓથી લઈને સપોર્ટ સ્ટાફ સુધી દરેક વ્યક્તિ વિજય પછી ખૂબ જ ખુશ હતા.
વિરાટ કોહલીની પ્રતિક્રિયા થઈ વાયરલ
ફાઈનલ જીત બાદ RCB ડ્રેસિંગ રૂમ અને ટીમ પાર્ટીના ઘણા વીડિયો વાયરલ થઈ રહ્યા છે. વિરાટ કોહલીની પત્ની અનુષ્કા શર્માએ પણ વિજયી ક્ષણોમાં ભાગ લીધો હતો. તેણે ખેલાડીઓ અને સપોર્ટ સ્ટાફ સાથે ખુલ્લેઆમ જીતનું સેલિબ્રેશન કર્યું હતું. એક વીડિયોમાં અનુષ્કા શર્મા RCBના બેટિંગ કોચ અને મેન્ટર દિનેશ કાર્તિકને ગળે લગાવતી જોવા મળે છે. વિરાટ કોહલી પણ નજીકમાં ઉભો છે, અને તેની પ્રતિક્રિયા જોવા જેવી હતી.
https://twitter.com/CricketCentrl/status/2061257214359449908
વિરાટ કોહલી અને અનુષ્કા શર્માની ઘણી ખાસ ક્ષણો કેમેરામાં કેદ
ટાઈટલ જીત્યા પછી વિરાટ કોહલી તેના જૂના અંદાજમાં અદભુત ફ્રી સ્ટાઈલ ડાન્સ કરતો જોવા મળ્યો. ફેસ પર મોટી સ્માઈલ, હાથમાં ટ્રોફી અને તેના સાથી ખેલાડીઓથી ઘેરાયેલા, વિરાટ વિજયની ખુશીમાં સંપૂર્ણપણે ડૂબેલા દેખાયા. આ સ્ટાઈલ ફેન્સને એક દાયકા પહેલાના વિરાટ કોહલીની યાદ અપાવે છે, જ્યારે તે મેદાનની બહાર પણ તેની એનર્જી અને ડાન્સ મૂવ્સ માટે ચર્ચાનો વિષય હતો.
વિરાટ કોહલી અને અનુષ્કા શર્માની ઘણી ખાસ ક્ષણો કેમેરામાં કેદ થઈ ગઈ હતી, જેને ફેન્સ સતત શેર કરી રહ્યા છે. આ જીત વધુ મહત્વપૂર્ણ છે કારણ કે ગયા સિઝનમાં RCBએ પહેલીવાર IPL ટ્રોફી જીતવા માટે 18 વર્ષની રાહ જોવી પડી હતી. હવે સતત બીજી વખત ચેમ્પિયન બનીને ટીમે સાબિત કર્યું છે કે તે ફક્ત એક વખતની વિજેતા નથી, પરંતુ એક નવી IPL સુપરપાવર બની છે.
કેપ્ટન રજત પાટીદારની કેપ્ટનશીપમાં ટીમે સમગ્ર સિઝન દરમિયાન જોરદાર પ્રદર્શન કર્યું. મુખ્ય મેચોમાં વિરાટ કોહલીની શાનદાર બેટિંગે ટીમની સફળતામાં મુખ્ય ભૂમિકા ભજવી. અંતિમ વિજય પછી અમદાવાદમાં આતશબાજી, ડાન્સ, સંગીત અને ભાવનાત્મક ક્ષણોએ RCBની ટાઈટલ યાત્રાને વધુ યાદગાર બનાવી દીધી.
વિરાટ કોહલીની ધમાકેદાર ઈનિંગ
ટાઈટલ મેચમાં આરસીબીની જીતમાં વિરાટ કોહલીએ મુખ્ય ભૂમિકા ભજવી હતી. વિરાટ કોહલીએ 42 બોલમાં અણનમ 75 રન બનાવ્યા હતા, જેમાં 9 ચોગ્ગા અને 3 છગ્ગાનો સમાવેશ થાય છે. વિરાટ કોહલીને તેની શાનદાર ઈનિંગ માટે પ્લેયર ઓફ ધ મેચ જાહેર કરવામાં આવ્યો હતો. આઈપીએલ પછી વિરાટ કોહલી ટૂંક સમયમાં જ એક્શનમાં પાછો ફરશે. આ મહિને અફઘાનિસ્તાન સામેની ત્રણ મેચની વનડે સિરીઝ માટે કોહલીની ભારતીય ટીમમાં પસંદગી કરવામાં આવી છે.
આ પણ વાંચો: Vaibhav Sooryavanshi પર થયો પૈસાનો વરસાદ, ઓરેન્જ કેપ સહિત આ એવોર્ડ જીત્યા
