IPL 2026માં નિરાશાજનક પ્રદર્શન બાદ 5 વખતની ચેમ્પિયન મુંબઈ ઇન્ડિયન્સ આગામી સિઝન પહેલાં પોતાની ટીમમાં મોટા ફેરફાર કરી શકે છે. IPL 2027 માટે ખેલાડીઓના રિટેન્શન અને રિલીઝ અંગે ચર્ચા શરૂ થઈ ગઈ છે. આમાં સૌથી મોટું નામ કેપ્ટન હાર્દિક પંડ્યાનું છે. હાર્દિક સહિત 13 ખેલાડીઓને રિલીઝ કરવાની સંભાવના છે. જોકે, આ માત્ર અનુમાન છે, મુંબઈ ઇન્ડિયન્સ કે IPL તરફથી જાહેર કરાયેલી સત્તાવાર યાદી નથી.
IPL 2026માં મુંબઈ ઇન્ડિયન્સનું પ્રદર્શન ખરાબ રહ્યું
મુંબઈ ઇન્ડિયન્સ માટે IPL 2026ની સિઝન નિરાશાજનક રહી હતી. ટીમે 14 મેચમાંથી માત્ર 4માં જીત મેળવી હતી, જ્યારે 10 મેચમાં હારનો સામનો કરવો પડ્યો હતો. 8 પોઇન્ટ સાથે ટીમ પોઇન્ટ ટેબલમાં નવમા સ્થાને રહી હતી અને પ્લેઓફની રેસમાંથી બહાર થઈ ગઈ હતી. કેપ્ટન હાર્દિક પંડ્યાનું પ્રદર્શન પણ અપેક્ષા પ્રમાણે રહ્યું નહોતું. તેણે 10 મેચમાં 206 રન બનાવ્યા હતા. તેની બેટિંગ સરેરાશ 22.89 અને સ્ટ્રાઇક રેટ 138 રહ્યો હતો. બોલિંગમાં તેણે 4 વિકેટ લીધી હતી અને તેની ઇકોનોમી 11.43 રહી હતી. આ પ્રદર્શનને કારણે આગામી સિઝન પહેલાં તેની ભૂમિકા અંગે ચર્ચા થઈ રહી છે.