ભારતીય ક્રિકેટના યુવા સ્ટાર અભિષેક શર્માએ ફરી એકવાર દુનિયાના T20 ક્રિકેટમાં પોતાની તાકાત સાબિત કરી છે. ICC દ્વારા 28 ઑક્ટોબર 2026ના રોજ જાહેર કરવામાં આવેલા મેન્સ T20I રેન્કિંગમાં અભિષેકે નંબર-1નું સ્થાન પાછું મેળવી લીધું છે. તેણે પોતાના સાથી ખેલાડી ઈશાન કિશનને પાછળ છોડીને ટોચનું સ્થાન મેળવ્યું છે. ન્યૂઝીલેન્ડ સામેની ત્રીજી T20Iમાં રમેલી તેની વિસ્ફોટક ઇનિંગ્સ આ ફેરફારનું મુખ્ય કારણ બની છે.
https://x.com/ICC/status/2115353676688904438?a=ZwdmhLFtvARG1Pf43RU&s=20
ન્યૂઝીલેન્ડ સામે વેલિંગ્ટનમાં રમાયેલી ત્રીજી T20Iમાં અભિષેક શર્માએ બેટિંગથી ધમાલ મચાવી હતી. ડાબોડી બેટરે માત્ર 35 બોલમાં પોતાની સદી પૂરી કરી હતી અને અંતે 38 બોલમાં 113 રન બનાવીને અણનમ રહ્યો હતો. તેની આક્રમક બેટિંગને કારણે ભારતે 6 વિકેટે જીત મેળવી અને T20I શ્રેણી પણ પોતાના નામે કરી. આ ઇનિંગ્સ માત્ર ટીમ માટે જ નહીં, પરંતુ ICC રેન્કિંગમાં અભિષેકની સ્થિતિ માટે પણ નિર્ણાયક સાબિત થઈ.
જુલાઈ 2026માં ઈશાન કિશને અભિષેકને પાછળ છોડીને પ્રથમ વખત ICC T20I બેટિંગ રેન્કિંગમાં નંબર-1નું સ્થાન મેળવ્યું હતું. આયર્લેન્ડ સામેના પ્રદર્શન બાદ ઈશાન ટોચ પર પહોંચ્યો હતો, જ્યારે અભિષેક બીજા ક્રમે સરક્યો હતો. પરંતુ હવે ન્યૂઝીલેન્ડ સામેની સદી બાદ અભિષેકે ફરી નંબર-1નું સ્થાન મેળવી લીધું છે. ICCના જણાવ્યા અનુસાર, અભિષેકે અગાઉ જુલાઈ 2025માં પણ આ સ્થાન મેળવ્યું હતું, જ્યારે તેણે ઓસ્ટ્રેલિયાના ટ્રેવિસ હેડને પાછળ છોડ્યો હતો. આ ફેરફાર ભારતીય ક્રિકેટ માટે પણ ખાસ છે, કારણ કે T20I બેટિંગ રેન્કિંગમાં ટોચના સ્થાન માટે ભારતના બે ખેલાડીઓ વચ્ચે જ સ્પર્ધા જોવા મળી રહી છે.
ICCના તાજા રેન્કિંગ અપડેટમાં માત્ર T20 ક્રિકેટ જ નહીં, ટેસ્ટ ક્રિકેટમાં પણ મોટા ફેરફારો થયા છે. દક્ષિણ આફ્રિકાના ઓલરાઉન્ડર માર્કો યાનસેન પ્રથમ વખત ટેસ્ટ બોલિંગ અને ટેસ્ટ ઓલરાઉન્ડર રેન્કિંગમાં નંબર-1 બન્યા છે. ઓસ્ટ્રેલિયા સામેની બીજી ટેસ્ટમાં યાનસેને બેટથી 85 રન બનાવ્યા હતા અને બોલિંગમાં મહત્વપૂર્ણ 5 વિકેટ ઝડપી હતી. તેના આ પ્રદર્શનથી તે બંને કેટેગરીમાં ટોચ પર પહોંચ્યો. બીજી તરફ, દક્ષિણ આફ્રિકાના કેપ્ટન ટેમ્બા બાવુમા ટેસ્ટ બેટિંગ રેન્કિંગમાં 4 સ્થાન આગળ વધીને બીજા ક્રમે પહોંચ્યા છે.
આ પણ વાંચો: SA vs AUS : વાહ… ઓફિસ હોય તો આવી ! પણ સ્ટેડિયમની સ્ક્રીનથી ન બચી શક્યા, કોમેન્ટેટર્સ પણ હસી પડ્યા