ભારતીય ક્રિકેટર કેએલ રાહુલ પોતાની રમતની સાથે મેદાનની બહારના વ્યવહારને લઈને પણ ચર્ચામાં રહે છે. ન્યૂઝીલેન્ડ સામેની બીજી વનડેમાં ભારતની જીત બાદ રાહુલે એવું કામ કર્યું કે ચાહકોનાં દિલ જીતી લીધાં છે. મેચમાં મળેલો સ્માર્ટફોન તેણે પોતાના માટે રાખવાને બદલે વેલિંગ્ટન સ્ટેડિયમમાં કામ કરતી એક મહિલા કર્મચારીને ભેટમાં આપી દીધો હતો. રાહુલની આ ભેટ જોઈને મહિલા પણ આશ્ચર્યચકિત થઈ ગઈ હતી. આ ઘટનાનો વીડિયો પણ ચર્ચામાં છે.
કેએલ રાહુલે મહિલાને કેમ આપ્યો મોબાઇલ?
ભારત અને ન્યૂઝીલેન્ડ વચ્ચે બીજી વનડે વેલિંગ્ટનમાં રમાઈ હતી. આ મુકાબલામાં ભારતીય ટીમે DLS નિયમ હેઠળ 4 રનથી જીત મેળવી હતી. આ જીતમાં કેએલ રાહુલની ભૂમિકા મહત્ત્વપૂર્ણ રહી હતી. તેના શાનદાર પ્રદર્શન બદલ તેને 'ગેમ ચેન્જર ઓફ ધ મેચ' તરીકે પસંદ કરવામાં આવ્યો હતો.આ પુરસ્કાર તરીકે રાહુલને NOVA કંપનીનો સ્માર્ટફોન મળ્યો હતો. જોકે, રાહુલે આ ફોન પોતાની પાસે રાખવાને બદલે સ્ટેડિયમમાં કામ કરતી એક મહિલા કર્મચારીને ભેટમાં આપી દીધો હતો.રાહુલે અચાનક મોબાઇલ ભેટમાં આપતાં મહિલા કર્મચારીને પણ વિશ્વાસ નહોતો થયો. તેને અંદાજો પણ નહોતો કે મેચ દરમિયાન આવી કોઈ ખાસ ભેટ મળશે.
કોણ છે આ મહિલા, જેને રાહુલે આપ્યો ફોન?
હવે સવાલ એ છે કે કેએલ રાહુલે જે મહિલાને મોબાઇલ ભેટમાં આપ્યો તે કોણ છે? અહેવાલો અનુસાર, આ મહિલા વેલિંગ્ટન સ્ટેડિયમની કર્મચારી છે.રાહુલે જ્યારે તેને પોતાને મળેલો સ્માર્ટફોન ભેટમાં આપ્યો ત્યારે તે આશ્ચર્યચકિત થઈ ગઈ હતી. મહિલાએ પણ પોતાની પ્રતિક્રિયામાં જણાવ્યું હતું કે તેની સાથે આવું કંઈક થશે તેની તેને કલ્પના પણ નહોતી.રાહુલના આ પગલાથી તેની ઉદારતા જોવા મળી હતી. ક્રિકેટ ચાહકો પણ આ ઘટનાની પ્રશંસા કરી રહ્યા છે.
https://x.com/BCCI/status/2119273126890754060?a=z_rYp8hkAgraf6Ry1lI&s=20
વેલિંગ્ટન વનડેમાં કેએલ રાહુલની મહત્ત્વપૂર્ણ ઇનિંગ્સ
વેલિંગ્ટનમાં રમાયેલી બીજી વનડેમાં ભારતીય બોલરોએ શાનદાર પ્રદર્શન કરીને ન્યૂઝીલેન્ડની ટીમને માત્ર 134 રનમાં ઓલઆઉટ કરી દીધી હતી. જોકે, ઉછાળ અને બોલની હિલચાલ ધરાવતી પીચ પર ભારતીય બેટ્સમેનો માટે લક્ષ્યાંકનો પીછો કરવો આસાન રહ્યો નહોતો.ન્યૂઝીલેન્ડના ઝડપી બોલર જેકબ ડફીએ ભારતને શરૂઆતમાં જ મોટા ઝટકા આપ્યા હતા. તેણે કેપ્ટન શુભમન ગિલને પ્રથમ બોલે જ શૂન્ય રને આઉટ કર્યો હતો. ત્યારબાદ વિરાટ કોહલી પણ માત્ર 7 રન બનાવીને પેવેલિયન પરત ફર્યો હતો.રોહિત શર્માએ 28 બોલમાં 23 રન બનાવ્યા હતા. એક સમયે ભારતીય ટીમ મુશ્કેલીમાં જોવા મળી રહી હતી. આવી પરિસ્થિતિમાં કેએલ રાહુલે જવાબદારી સંભાળી હતી.ભારતીય ટીમ DLSના પાર સ્કોરથી 4 રન આગળ હોવાથી તેને 4 વિકેટથી વિજેતા જાહેર કરવામાં આવી હતી.
આ પણ વાંચો - Sandesh Explainer : વર્લ્ડ કપ 2027 માટે ભારતના ઘાતક બોલરો તૈયાર! ગંભીર-ગિલનો માસ્ટર પ્લાન સફળ
