લખનૌ સુપર જાયન્ટ્સ (LSG)ની કેપ્ટનશીપને લઈને ચાલી રહેલી અટકળો પર દક્ષિણ આફ્રિકાના સ્ટાર બેટ્સમેન એડન માર્કરામે પોતાનું મૌન તોડ્યું છે.ઋષભ પંતના રાજીનામા બાદ માર્કરામને નવા કેપ્ટન પદ માટે અગ્રણી માનવામાં આવી રહ્યા છે,પરંતુ તેમણે સ્પષ્ટતા કરી કે તેઓ આ મુદ્દાથી ચિંતિત નથી.
એડન માર્કરામે શું કહ્યું
માર્કરામે કહ્યું,કે મને આ અંગે કોઈ જાણકારી નથી.ટીમ મેનેજમેન્ટે જે પણ નિર્ણય યોગ્ય લાગે તે લેવો જોઈએ.અમારી ટીમમાં કેટલાક ઉત્તમ છે.તેથી મને આ મુદ્દા વિશે બિલકુલ ચિંતા નથી.જેને પણ કેપ્ટનશીપ મળશે,મને વિશ્વાસ છે કે તેઓ જવાબદારી સારી રીતે નિભાવશે.મેં હજુ સુધી આ વિશે વધુ વિચાર્યું નથી.
શું એડન માર્કરામે LSGનો કેપ્ટન બનશે
એડન માર્કરામ હાલમાં ઇંગ્લેન્ડમાં રમાઈ રહેલી ધ હન્ડ્રેડ ટુર્નામેન્ટમાં ભાગ લઈ રહ્યો છે.જ્યાં તે માન્ચેસ્ટર સુપર જાયન્ટ્સનું કેપ્ટનશીપ કરી રહ્યો છે.આ ફ્રેન્ચાઇઝી RP-સંજીવ ગોએન્કા ગ્રુપની છે.જે IPL ટીમ લખનૌ સુપર જાયન્ટ્સ (LSG)ની પણ માલિકી ધરાવે છે.પોતાના કેપ્ટનશિપના અનુભવ પર ટિપ્પણી કરતા માર્કરામે કહ્યું,કેપ્ટનશિપ સરળ નથી અને તેમાં ઘણા પડકારો પણ આવે છે.પરંતુ અત્યાર સુધીની આ એક અદ્ભુત સફર રહી છે.હું તેનો ખૂબ આનંદ માણી રહ્યો છું.જોસ બટલર જેવા અનુભવી ખેલાડી ટીમમાં હોવા એ એક મોટી તાકાત છે.તેમણે મને દરેક પગલા પર માર્ગદર્શન આપ્યું છે, અને તેમની સલાહ અતિ મદદરૂપ રહી છે.
માર્કરામે સ્પષ્ટ સંદેશ આપ્યો
માર્કરામે એમ પણ કહ્યું કે તેમનું એકમાત્ર ધ્યાન તેમના પ્રદર્શન અને ટીમની સફળતા પર છે. તેમના મતે, ભલે તે કેપ્ટન હોય કે માત્ર એક ખેલાડી, તેમની ભૂમિકા ટીમ માટે પોતાનું શ્રેષ્ઠ આપવાનું છે. જોકે, નિષ્ણાતો અને ભૂતપૂર્વ ખેલાડીઓ માને છે કે માર્કરામે કેપ્ટનશિપનો નોંધપાત્ર અનુભવ મેળવ્યો છે. તેમણે અગાઉ IPLમાં દક્ષિણ આફ્રિકા અને સનરાઇઝર્સ હૈદરાબાદ (SRH)નું નેતૃત્વ કર્યું છે, તેથી તેમને LSGની કમાન સોંપી શકાય છે. હવે બધાની નજર LSG ટીમ મેનેજમેન્ટ પર છે કે તેઓ નક્કી કરે કે આખરે કોને કેપ્ટનશિપ સોંપવામાં આવશે. હાલમાં, માર્કરામે સ્પષ્ટ સંદેશ આપ્યો છે કે ટીમનું હિત તેમના માટે તેમના વ્યક્તિગત પદ કરતાં વધુ મહત્વનું છે.
આ પણ વાંચો - IND vs SL Test: ટેસ્ટ રેન્કિંગમાં ભારત અને શ્રીલંકા વચ્ચે કેટલું અંતર? જાણો સિરીઝ પહેલાં આંકડા
