ICC ODI વર્લ્ડ કપ 2027 અંગે એક મોટી અપડેટ સામે આવી છે.આ વર્ષે આ ટુર્નામેન્ટનું આયોજન દક્ષિણ આફ્રિકા,ઝિમ્બાબ્વે અને નામિબિયા સંયુક્ત રીતે કરશે. શરૂઆતમાં, ICC 8 ઓક્ટોબરે ટુર્નામેન્ટ શરૂ કરવાનું નક્કી કર્યું હતું, જેમાં પ્રેક્ટિસ મેચ 1 થી 7 ઓક્ટોબર વચ્ચે યોજાવાની હતી. જોકે, ICC હવે એક નવી યોજના બનાવી રહ્યું છે જે વહેલી શરૂઆત તરફ દોરી શકે છે.
2027 ODI વર્લ્ડ કપ માટે ચોક્કસ તારીખ
ક્રિકબઝના અહેવાલ મુજબ, ICC ODI વર્લ્ડ કપ 2027 2 ઓક્ટોબર,ગાંધી જયંતિના રોજ શરૂ થઈ શકે છે.આંતરરાષ્ટ્રીય ક્રિકેટ કાઉન્સિલ રાષ્ટ્રપિતા, શાંતિ અને અહિંસાના પ્રતીક, મહાત્મા ગાંધીના જીવન અને દક્ષિણ આફ્રિકા સાથેના તેમના 21 વર્ષના ઐતિહાસિક સંબંધોને માન આપવા માટે 2 ઓક્ટોબરે આ મેગા ઇવેન્ટ શરૂ કરવાનું વિચારી રહી છે. ફાઇનલ 21 નવેમ્બરે રમાય તેવી અપેક્ષા છે.પરિણામે 14 ટીમો વચ્ચે રમાતી આ ટુર્નામેન્ટ લગભગ 50 દિવસ ચાલશે.
10 ટીમો ક્વોલિફાય થઈ છે.
યજમાન દક્ષિણ આફ્રિકા અને ઝિમ્બાબ્વે ઉપરાંત, ભારત, ઓસ્ટ્રેલિયા, ન્યુઝીલેન્ડ, પાકિસ્તાન, ઇંગ્લેન્ડ, શ્રીલંકા, બાંગ્લાદેશ અને અફઘાનિસ્તાન પહેલાથી જ આ ટુર્નામેન્ટ માટે ક્વોલિફાય થઈ ચૂક્યા છે. બાકીના ચાર સ્થાનો આગામી વર્ષની શરૂઆતમાં યોજાનાર 10-ટીમ ક્વોલિફાયર રાઉન્ડ દ્વારા નક્કી કરવામાં આવશે, જેમાં વેસ્ટ ઇન્ડીઝ, આયર્લેન્ડ અને સહ-યજમાન નામિબિયા જેવી ટીમો ભાગ લેશે. વધુમાં, આ વર્ષનો ODI વર્લ્ડ કપ નવા ફોર્મેટમાં રમાશે. તાજેતરમાં, ICC એ 2027 વર્લ્ડ કપ માટે ફોર્મેટમાં સુધારો કર્યો છે, જેમાં સુપર સિરીઝ સ્ટેજ ઉમેર્યો છે. આ નવા નિયમ અનુસાર, 12મી, 13મી અને 14મી ક્વોલિફાયર ટીમો ત્રિકોણીય શ્રેણી રમશે, જેમાંથી ફક્ત એક જ ટીમ વર્લ્ડ કપની મુખ્ય ટુર્નામેન્ટમાં આગળ વધશે, જ્યાં 12 ટીમોને બે જૂથોમાં વિભાજિત કરવામાં આવશે.
3 દેશો અને 12 ઐતિહાસિક સ્થળો
ICC એ આ ટુર્નામેન્ટ માટે દક્ષિણ આફ્રિકા, ઝિમ્બાબ્વે અને નામિબિયામાં 12 શહેરોને સ્થળ તરીકે પસંદ કર્યા છે. દક્ષિણ આફ્રિકામાં સૌથી વધુ સ્થળો છે, જેમાં આઠ છે. ઝિમ્બાબ્વેમાં ત્રણ અને નામિબિયામાં એક છે.
આ પણ વાંચો - IND vs SL : શું KL રાહુલ બેટિંગ કરી શકશે નહીં? સામે આવ્યો મોટું અપડેટ
