ક્રિકેટના ઇતિહાસમાં કેટલીક જીત વર્ષો સુધી ચાહકોના દિલમાં અંકિત થઈ જાય છે. લાહોરના ગદ્દાફી સ્ટેડિયમ ખાતે રમાયેલી વનડે ત્રિકોણીય શ્રેણીની ચોથી મેચમાં આવો જ એક રોમાંચક અને અવિશ્વસનીય નજારો જોવા મળ્યો હતો. 25 ઓક્ટોબરે રમાયેલા આ હાઈ-વોલ્ટેજ મુકાબલામાં પાકિસ્તાને ઇંગ્લેન્ડ સામે હારના જડબામાંથી જીત ખેંચી લાવીને 1 વિકેટે યાદગાર વિજય નોંધાવ્યો હતો. જીતની ક્ષણે મેદાનથી લઈને ડ્રેસિંગ રૂમ સુધી ખેલાડીઓના ભાવુક અને ઉત્સાહપૂર્ણ જશ્નનો વીડિયો અત્યારે ઇન્ટરનેટ પર ભારે વાયરલ થઈ રહ્યો છે.
હારિસ રઉફનો વિનિંગ ચોગ્ગો અને બેટ-ફ્લિપ સેલિબ્રેશન
મેચમાં ઉત્તેજના ત્યારે ચરમસીમાએ પહોંચી જ્યારે છેલ્લી 3 ઓવરમાં જીત માટે માત્ર 3 રન જોઈતા હતા, પરંતુ પાકિસ્તાન પાસે માત્ર 1 વિકેટ જ બાકી હતી. આ દબાણવાળી ક્ષણે 10મા ક્રમે બેટિંગ કરી રહેલા ફાસ્ટ બોલર હારિસ રઉફે શાનદાર ચોગ્ગો ફટકારીને ટીમને અશક્ય લાગતો વિજય અપાવ્યો હતો. ચોગ્ગો સીમારેખા પાર થતાં જ રઉફે પોતાનું બેટ હવામાં ઉછાળી દીધું હતું અને ખુશીથી દોડવા લાગ્યો હતો. નોન-સ્ટ્રાઇકર એન્ડ પર ઊભેલા સદીવીર શાદાબ ખાને પણ દોડીને તેને ગળે લગાવી લીધો હતો.
https://x.com/Bobi_1A/status/2114407697936515240?s=20
154 પર 9 વિકેટ છતાં અણનમ ભાગીદારીથી પલટાયો ઇતિહાસ
પ્રથમ બેટિંગ કરતા ઇંગ્લેન્ડે બેન ડકેટના 105 રનની મદદથી 241 રન બનાવ્યા હતા. 242 રનના ટાર્ગેટ સામે પાકિસ્તાને માત્ર 154 રનમાં 9 વિકેટ ગુમાવી દીધી હતી. હાર નિશ્ચિત જણાતી હતી, પરંતુ શાદાબ ખાને 96 બોલમાં અણનમ 113 રન ફટકારીને વનડે ઇતિહાસમાં 8મા કે તેથી નીચેના ક્રમે સૌથી મોટો સ્કોર બનાવ્યો.તેણે હારિસ રઉફ સાથે છેલ્લી વિકેટ માટે 80 બોલમાં 89 રનની અણનમ ભાગીદારી કરી ટીમને 17 બોલ બાકી રહેતાં જીત અપાવી હતી.
શાદાબ ખાનની સદીએ પલટાવી મેચ
આ મુકાબલામાં ઇંગ્લેન્ડે પ્રથમ બેટિંગ કરતાં 46.4 ઓવરમાં 241 રન બનાવ્યા હતા. બેન ડકેટે 105 રનની સદી ફટકારીને ટીમને સન્માનજનક સ્કોર સુધી પહોંચાડી હતી. પાકિસ્તાનને જીતવા માટે 242 રનનો લક્ષ્યાંક મળ્યો હતો.જવાબમાં પાકિસ્તાનની શરૂઆત ખરાબ રહી હતી. એક પછી એક વિકેટ પડતાં ટીમ મુશ્કેલીમાં મુકાઈ ગઈ હતી. જોકે, શાદાબ ખાને 96 બોલમાં 13 ચોગ્ગા અને 5 છગ્ગાની મદદથી અણનમ 113 રન બનાવ્યા હતા. તેણે હારિસ રઉફ સાથે છેલ્લી વિકેટ માટે 89 રનની મહત્ત્વપૂર્ણ ભાગીદારી કરી હતી.આ ભાગીદારીના આધારે પાકિસ્તાને 17 બોલ બાકી રહેતાં 9 વિકેટે લક્ષ્યાંક હાંસલ કર્યો હતો અને ઇંગ્લેન્ડ સામે 1 વિકેટે રોમાંચક જીત મેળવી હતી. શાદાબની ઐતિહાસિક ઇનિંગ્સ અને હારિસ રઉફના નિર્ણાયક ચોગ્ગાએ આ મેચને યાદગાર બનાવી દીધી હતી.
આ પણ વાંચો - અનુષ્કાના મુખે ‘રાધે ગોવિંદા’નો જાપ, વિરાટ પણ ભક્તિમાં લીન! VIDEO વાયરલ
