ભારતીય ક્રિકેટના મહાન ખેલાડી અને 'ગોડ ઓફ ક્રિકેટ' તરીકે જાણીતા SachinTendulkar ફરી એકવાર સોશિયલ મીડિયા પર જોરદાર ચર્ચામાં આવ્યા છે.જોકે આ વખતે ચર્ચાનું કારણ તેમનો કોઈ નવો રેકોર્ડ નથી,પરંતુ એક પ્રાઈવેટ જેટની અંદર રમાયેલી રસપ્રદ ક્રિકેટ મેચ છે.સચિન તેંડુલકરે શુક્રવારે પોતાના સોશિયલ મીડિયા એકાઉન્ટ પર એક મજેદાર વીડિયો શેર કર્યો છે,જે ઈન્ટરનેટ પર આગની જેમ વાયરલ થઈ રહ્યો છે.
પરિવારના સભ્યોએ વિમાનમાં મસ્તી કરી
વાયરલ વીડિયોમાં સચિન તેંડુલકર પ્રાઈવેટ જેટના કેબિનની અંદર હાથમાં ક્રિકેટ બેટ લઈને બેટિંગ કરતા જોવા મળી રહ્યા છે. જ્યારે તેમની પુત્રી સારા તેંડુલકર એક નાની લાલ બોલથી સચિનને બોલિંગ કરતી નજરે પડે છે. આ મસ્તીભર્યા વીડિયોમાં અર્જુન તેંડુલકરની પત્ની અને સચિનની પુત્રવધૂ સાનિયા ચંડોક સહિત પરિવારના અન્ય સભ્યો પણ આ ખાસ પળની મજા લેતા દેખાય છે.આ વીડિયો શેર કરતા સચિને કેપ્શનમાં લખ્યુંક્રિકેટ પ્રત્યેનો તેમનો પ્રેમ જગ્યા કે પરિસ્થિતિ જોઈને બદલાતો નથી, પછી ભલે તેઓ જમીન પર હોય કે આકાશમાં!