પાકિસ્તાન ક્રિકેટ ટીમના નવા T20 કેપ્ટન સાહિબઝાદા ફરહાને આંતરરાષ્ટ્રીય T20 ક્રિકેટમાં ઐતિહાસિક સિદ્ધિ મેળવી છે. શ્રીલંકા સામે રમાઈ રહેલી 3 મેચની ઘરઆંગણાની T20 શ્રેણીમાં શાનદાર બેટિંગ કરીને ફરહાને એવો રેકોર્ડ બનાવ્યો છે, જે અગાઉ કોઈ કેપ્ટન કરી શક્યો નથી. દ્વિપક્ષીય T20 આંતરરાષ્ટ્રીય શ્રેણીની ત્રણેય મેચમાં સતત અડધી સદી ફટકારનારા તેઓ વિશ્વના પ્રથમ કેપ્ટન બન્યા છે.
સાહિબઝાદા ફરહાને રચ્યો ઇતિહાસ
સલમાન અલી આગાની જગ્યાએ પાકિસ્તાનની ટીમની કમાન સંભાળનાર 28 વર્ષના સાહિબઝાદા ફરહાને આ શ્રેણીમાં કેપ્ટન અને ઓપનર તરીકે પોતાની અસર છોડી છે. શ્રીલંકાના બોલરો સામે તેમણે ત્રણેય મેચમાં સતત શાનદાર બેટિંગ કરી હતી.9 ઓક્ટોબરે રાવલપિંડીમાં પૂર્ણ સમયના કેપ્ટન તરીકે પોતાની પ્રથમ મેચ રમતાં ફરહાને 89 રનની આક્રમક ઇનિંગ રમી હતી. તેમની આ ઇનિંગની મદદથી પાકિસ્તાને શાનદાર જીત મેળવી હતી.ત્યારબાદ બીજી મેચમાં પણ ફરહાનનું બેટ જોરદાર ચાલ્યું હતું. તેમણે 44 બોલમાં 73 રન ફટકારીને પાકિસ્તાનના સ્કોરને 200 રનની પાર પહોંચાડવામાં મહત્વપૂર્ણ યોગદાન આપ્યું હતું.
https://x.com/ICC/status/2110200076408934684?s=20
ત્રીજી મેચમાં પણ અડધી સદી
શ્રેણીની ત્રીજી અને અંતિમ મેચમાં પાકિસ્તાનના અન્ય બેટ્સમેનો ખાસ પ્રદર્શન કરી શક્યા નહોતા. જોકે, કેપ્ટન સાહિબઝાદા ફરહાને એક છેડો સંભાળીને ટીમને મુશ્કેલ પરિસ્થિતિમાંથી બહાર કાઢવાનો પ્રયાસ કર્યો હતો.ફરહાને 47 બોલમાં 7 ચોગ્ગા અને 3 છગ્ગાની મદદથી 76 રન બનાવ્યા હતા. આ સાથે તેમણે શ્રેણીની ત્રણેય મેચમાં અડધી સદી ફટકારવાની સિદ્ધિ મેળવી હતી.પાકિસ્તાન તરફથી મજ સદાકત ખાતું ખોલાવ્યા વિના આઉટ થયા હતા, જ્યારે ફખર ઝમાન માત્ર 12 રન બનાવી શક્યા હતા. હસન નવાઝ, ખ્વાજા નફે, મોહમ્મદ ઇમરાન અને અબ્દુલ સમદ પણ મોટી ઇનિંગ રમવામાં નિષ્ફળ રહ્યા હતા.એક પછી એક વિકેટ પડતી હોવા છતાં ફરહાને જવાબદારીપૂર્વક બેટિંગ કરી હતી અને ટીમના સ્કોરને આગળ વધાર્યો હતો.
પાકિસ્તાને 168 રન બનાવ્યા
ત્રીજી T20 મેચમાં પાકિસ્તાને પ્રથમ બેટિંગ કરતાં 20 ઓવરમાં 8 વિકેટ ગુમાવીને 168 રન બનાવ્યા હતા. સાહિબઝાદા ફરહાન ઉપરાંત અરાફાત મિનહાસે પણ ઉપયોગી ઇનિંગ રમી હતી.અરાફાત મિનહાસે 20 બોલમાં અણનમ 34 રન બનાવ્યા હતા. ફરહાન અને મિનહાસ સિવાય પાકિસ્તાનનો કોઈ અન્ય બેટ્સમેન 20 રનનો આંકડો પાર કરી શક્યો નહોતો.
કેપ્ટન તરીકે ફરહાનની મોટી સિદ્ધિ
આ શ્રેણીમાં સાહિબઝાદા ફરહાને 89, 73 અને 76 રનની ઇનિંગ રમીને સતત ત્રણ અડધી સદી ફટકારી હતી. આ પ્રદર્શનથી તેમણે કેપ્ટન તરીકે પોતાની બેટિંગ ક્ષમતા સાબિત કરી હતી.દ્વિપક્ષીય T20 આંતરરાષ્ટ્રીય શ્રેણીની ત્રણેય મેચમાં અડધી સદી ફટકારનાર પ્રથમ કેપ્ટન બનવાની આ સિદ્ધિ તેમના માટે ખાસ છે. હવે તેમની આ ઐતિહાસિક ઇનિંગ્સને કારણે પાકિસ્તાન ક્રિકેટમાં તેમની ચર્ચા વધી છે.ફરહાનનું આ પ્રદર્શન દર્શાવે છે કે તેમણે કેપ્ટનશિપની જવાબદારી સાથે પોતાની બેટિંગમાં પણ સાતત્ય જાળવી રાખ્યું છે. ત્રણેય મેચમાં ટીમ માટે મહત્વપૂર્ણ રન બનાવીને તેમણે શ્રેણીમાં યાદગાર પ્રદર્શન કર્યું છે.
આ પણ વાંચો - Arshdeep Singh ઇતિહાસ રચવા ઉતરશે મેદાનમાં, હૈદરાબાદમાં બનશે વર્લ્ડ રેકોર્ડ!
