ભારતીય મહિલા ક્રિકેટની વિસ્ફોટક ઓપનર શેફાલી વર્માએ ઝિમ્બાબ્વે સામેની બીજી T20 મેચમાં માત્ર 25 બોલમાં 25 રનની તોફાની ઇનિંગ રમીને T20 આંતરરાષ્ટ્રીય ક્રિકેટમાં નવો ઇતિહાસ રચી દીધો છે. રાયપુરના શહીદ વીર નારાયણ સિંહ સ્ટેડિયમમાં રમાયેલી આ મેચમાં ભારતે ઝિમ્બાબ્વેને 9 વિકેટે કારમો પરાજય આપ્યો હતો. આ ઐતિહાસિક ઇનિંગ સાથે જ શેફાલીએ વર્ષ 2026માં પોતાનો 9મો 50થી વધુનો સ્કોર નોંધાવીને એક જ કેલેન્ડર વર્ષમાં સૌથી વધુ વખત 50+ રન બનાવનારી વિશ્વની પ્રથમ મહિલા ખેલાડી બનવાનો વર્લ્ડ રેકોર્ડ પોતાના નામે કર્યો છે આ મામલે તેણે પોતાની જ સાથી ખેલાડી અને કેપ્ટન સ્મૃતિ મંધાનાને પાછળ છોડી દીધી છે
મહિલા T20I માં એક કેલેન્ડર વર્ષમાં સૌથી વધુ 50+ સ્કોર
શેફાલી વર્માએ આ યાદીમાં ટોચનું સ્થાન મેળવ્યું છે. મહિલા T20 આંતરરાષ્ટ્રીય ક્રિકેટના ઇતિહાસમાં એક વર્ષમાં સૌથી વધુ 50 કે તેથી વધુ રન બનાવનારા ટોપ ખેલાડીઓની યાદી નીચે મુજબ છે:
માત્ર 24 બોલમાં ફિફ્ટી અને ભારતની વિસ્ફોટક જીત
મેચમાં પ્રથમ બેટિંગ કરતા ઝિમ્બાબ્વેની મહિલા ટીમ ભારતીય બોલરો સામે માત્ર102 રનમાં ઓલઆઉટ થઈ ગઈ હતી.103 રનના ટાર્ગેટનો પીછો કરવા ઉતરેલી ભારતીય ટીમે ઓપનર્સના તોફાનની મદદથી માત્ર 8.5 ઓવરમાં જ 1 વિકેટ ગુમાવીને લક્ષ્યાંક હાંસલ કરી લીધો હતો. શેફાલી વર્માએ માત્ર 24 બોલમાં પોતાની અડધી સદી પૂરી કરીને ભારત માટે સૌથી ઝડપી T20I ફિફ્ટી ફટકારનારી ખેલાડીઓમાં સ્થાન મેળવ્યું હતું. બીજી તરફ, કેપ્ટન સ્મૃતિ મંધાનાએ પણ ૨૫ બોલમાં અણનમ 47 રનની આક્રમક ઇનિંગ રમીને શેફાલીને મજબૂત સાથ આપ્યો હતો.
સ્મૃતિ મંધાનાની ફૂલ-ટાઇમ કેપ્ટન તરીકે પ્રથમ સીરીઝ જીત
ભારતીય મહિલા ક્રિકેટમાં હરમનપ્રીત કૌરે કેપ્ટન પદ છોડ્યા બાદ સ્મૃતિ મંધાનાને ત્રણેય ફોર્મેટની કમાન્ડ સોંપવામાં આવી હતી. ફૂલ-ટાઇમ કેપ્ટન તરીકે સ્મૃતિ મંધાનાની આ પ્રથમ શ્રેણી છે અને તેણે જ્વલંત જીત સાથે શરૂઆત કરી છે. ભારતે પ્રથમ T20 મેચ4 વિકેટે અને બીજી T20 મેચ 9 વિકેટે જીતીને 3 મેચની સીરીઝમાં 2-0ની અજેય સરસાઈ મેળવી લીધી છે.
આ પણ વાંચો - Smriti Mandhana અને Shafali Vermaએ વિશ્વને ચોંકાવ્યું, ભાગીદારીમાં રચ્યો અનોખો રેકોર્ડ
