શ્રેયસ ઐયરની ટીમ ઈન્ડિયાના કેપ્ટન તરીકે શરૂઆત સારી રહી નથી.તેમની કેપ્ટનશીપ હેઠળ ટીમ ઈન્ડિયા આયર્લેન્ડ સામે પ્રથમ T20I 34 રનથી હારી ગઈ.આ ફોર્મેટમાં ટીમ ઈન્ડિયાનો આયર્લેન્ડનો આ પહેલો પરાજય હતો.બેલફાસ્ટમાં રમાયેલી મેચમાં,કેપ્ટન ઐયરે ટોસ જીતીને પ્રથમ બોલિંગ કરવાનો નિર્ણય લીધો.આયર્લેન્ડે પ્રથમ બેટિંગ કરી અને 9 વિકેટે 182 રન બનાવ્યા.183 રનના લક્ષ્યનો પીછો કરતા,ભારત 18.5 ઓવરમાં માત્ર 148 રનમાં ઓલઆઉટ થઈ ગયું.
હારનાર ચોથો ભારતીય કેપ્ટન બન્યો
શ્રેયસ ઐયર કેપ્ટન તરીકે પોતાની પહેલી T20I મેચ હારનાર ચોથો ભારતીય કેપ્ટન બન્યો. આ પહેલા ત્રણ અન્ય ભારતીય ખેલાડીઓ કેપ્ટન તરીકે પોતાની પહેલી T20I મેચ હાર્યા છે. આ યાદીમાં વિરાટ કોહલી, શુભમન ગિલ અને ઋષભ પંતનો પણ સમાવેશ થાય છે. વિરાટ કોહલી કેપ્ટન તરીકે પોતાની પહેલી T20I હારનાર પ્રથમ ભારતીય હતો. 2017 માં, મહેન્દ્ર સિંહ ધોની પછી વિરાટ કોહલીએ કેપ્ટનશીપ સંભાળી. કેપ્ટન તરીકેની તેમની પહેલી મેચ કાનપુરમાં ઈંગ્લેન્ડ સામે હતી, જ્યાં ટીમ ઈન્ડિયાને હારનો સામનો કરવો પડ્યો હતો.
શ્રેયસ ઐયરનું નામ પણ આ યાદીમાં ઉમેરાયું
ઋષભ પંતે 2022માં દક્ષિણ આફ્રિકા સામેની સીરિઝમાં ભારતીય T20 ટીમનું નેતૃત્વ કર્યું હતું. કેપ્ટન તરીકેની તેમની પહેલી જ મેચમાં તેમને હારનો સામનો કરવો પડ્યો હતો. 2024 માં, શુભમન ગિલને ઝિમ્બાબ્વે સામેની સીરિઝ માટે કેપ્ટન તરીકે નિયુક્ત કરવામાં આવ્યા હતા, પરંતુ ગિલ પણ ઝિમ્બાબ્વે જેવી નબળી ટીમ સામેની પોતાની પહેલી મેચ હારી ગયો હતો. હવે, શ્રેયસ ઐયરનું નામ પણ આ યાદીમાં ઉમેરાયું છે, જેમણે આયર્લેન્ડ સામે કેપ્ટન તરીકેની પોતાની પહેલી T20 મેચ હારીને આ યાદીમાં સ્થાન મેળવ્યું છે. ઐયર આવું કરનાર ચોથો ભારતીય કેપ્ટન બન્યો છે.
ભારતીય કેપ્ટનો જેમણે પોતાની પહેલી T20I મેચ હારી હતી
વિરાટ કોહલી વિરુદ્ધ ઈંગ્લેન્ડ, કાનપુર 2017
ઋષભ પંત વિરુદ્ધ દક્ષિણ આફ્રિકા, દિલ્હી 2022
શુભમન ગિલ વિરુદ્ધ ઝિમ્બાબ્વે, હરારે 2024
શ્રેયસ ઐયર વિરુદ્ધ આયર્લેન્ડ, બેલફાસ્ટ, 2026
ટીમ ઈન્ડિયાએ T20 વર્લ્ડ કપની શરૂઆત હાર સાથે કરી હતી
T20 વર્લ્ડ કપ 2026 જીત્યા પછી, ભારતીય ટીમે તેની પહેલી T20 મેચ રમી હતી, પરંતુ આ નવી સફર હાર સાથે શરૂ થઈ હતી. 2024 માં પણ આવી જ ઘટના બની હતી, જ્યારે ભારત વર્લ્ડ કપ જીત્યા પછી તેની પહેલી મેચ હારી ગયું હતું. તે સમયે, ઝિમ્બાબ્વેએ હરારેમાં ભારતીય ટીમને હરાવી હતી, અને શુભમન ગિલ ટીમનો કેપ્ટન હતો.
આ પણ વાંચો - Shivam Dubeએ હાંસલ કરી આ સિદ્ધિ, આવું કરનાર ત્રીજો ભારતીય ખેલાડી બન્યો
