સૂર્યકુમાર યાદવ માટે છેલ્લા કેટલાક મહિના ખાસ સારા રહ્યા નથી.આયર્લેન્ડ પ્રવાસ પહેલા તેમને T20 કેપ્ટનશીપમાંથી દૂર કરવામાં આવ્યા હતા.તેમને ટીમમાં પણ સ્થાન આપવામાં આવ્યું ન હતું. શ્રેયસ ઐયરે તેમનું સ્થાન કેપ્ટન તરીકે લીધું. સૂર્યકુમારને ક્યારેય ભારતના દિગ્ગજ ક્રિકેટર એમએસ ધોની સાથે રમવાનો મોકો મળ્યો નહીં, જેનો તેમને અફસોસ છે.તમને યાદ હશે કે આ વર્ષની IPL દરમિયાન,સૂર્યકુમારે ઇન્સ્ટાગ્રામ પર ધોની અને રોહિત શર્મા સાથેનો એક ફોટો પોસ્ટ કર્યો હતો. તેનો ફોટો વાયરલ થયો હતો અને ટિપ્પણીઓ દ્વારા તેને ઘણો પ્રેમ મળ્યો હતો. સૂર્યકુમારને આ ફોટો મેળવવા માટે ખૂબ મહેનત કરવી પડી હતી. તેણે એક રમુજી વાર્તા શેર કરી હતી.
ધોનીએ સૂર્યકુમાર યાદવને રમુજી જવાબ આપ્યો
હકીકતમાં સૂર્યકુમાર યાદવે તાજેતરમાં એક ઇન્ટરવ્યુમાં તેણે ફોટો પાછળનું વાસ્તવિક રહસ્ય જાહેર કર્યું હતું.સૂર્યાએ કહ્યું હતું કે તેણે ચેન્નાઈમાં પ્રેક્ટિસ દરમિયાન રોહિત શર્માને આ આઇકોનિક ફોટો માટે સૌપ્રથમ વિનંતી કરી હતી.સૂર્યાએ કહ્યું હતું કે આ અંગે રોહિતની પ્રતિક્રિયા ખૂબ રમુજી હતી.સૂર્યાએ ખુલાસો કર્યો હતો કે તેના માટે સૌથી મુશ્કેલ કાર્ય ધોની સાથે વાત કરવાનું હતું.તે તેની સાથે વાત કરવામાં થોડો ડરતો હતો.ભૂતપૂર્વ T20 કેપ્ટને કહ્યું રોહિત શર્માને સમજાવ્યા પછી,મારે ધોની સાથે વાત કરવી પડી. આ મારા માટે મુશ્કેલ કાર્ય હતું. જ્યારે હું ડ્રેસિંગ રૂમમાં ગયો ત્યારે ધોની બરફ સ્નાનની તૈયારી કરી રહ્યો હતો. તે ખૂણામાં બેઠો હતો. મેં તેને કહ્યું કે હું તમારી અને રોહિત ભાઈ સાથે ફોટો લેવા માંગુ છું.હું વચ્ચે રહીશ તું જમણી બાજુ હશે,અને રોહિત ભાઈ ડાબી બાજુ હશે.આ સમય દરમિયાન હું ખૂબ જ નર્વસ હતો. પછી ધોનીએ મને કહ્યું કે જો તું ફોટો પાડશે, તો તું તેને ઇન્સ્ટાગ્રામ પર પોસ્ટ કરીશ. અમે અમારા વાળ કાપીને પાછા આવીશું.