વેસ્ટ ઈન્ડિઝ સામેની પ્રથમ વનડેમાં વિરાટ કોહલીએ પોતાની વાપસી યાદગાર બનાવી દીધી છે. તિરુવનંતપુરમના ગ્રીનફિલ્ડ ઈન્ટરનેશનલ સ્ટેડિયમમાં રમાયેલી આ મેચમાં કોહલીએ શાનદાર અડધી સદી ફટકારી હતી. આ ઇનિંગ દરમિયાન તેમણે એકસાથે અનેક મોટી સિદ્ધિઓ પોતાના નામે કરી હતી.જુલાઈ બાદ પ્રથમ વખત વનડે ક્રિકેટમાં પરત ફરેલા વિરાટ કોહલીએ શરૂઆતથી જ પોતાના જૂના અંદાજની ઝલક બતાવી હતી. તેમણે ઝડપી રન બનાવવાની સાથે સારા શોટ્સ પણ રમ્યા હતા. માત્ર 40 બોલમાં અડધી સદી પૂરી કરીને કોહલીએ ચાહકોને ખુશ કરી દીધા હતા.
નોન-એશિયન ટીમો સામે સચિનનો રેકોર્ડ તોડ્યો
વેસ્ટ ઈન્ડિઝ સામે અડધી સદી ફટકારતાની સાથે જ કોહલીએ એક ખાસ રેકોર્ડ પોતાના નામે કર્યો હતો. નોન-એશિયન ટીમો સામે વનડેમાં સૌથી વધુ 50+ સ્કોર બનાવવાના મામલે તેમણે સચિન તેંડુલકરને પાછળ છોડી દીધા છે.અલ્ઝારી જોસેફ સામેની ઇનિંગની 27મી ઓવરમાં છગ્ગો ફટકારીને કોહલીએ પોતાની ફિફ્ટી પૂરી કરી હતી. આ સાથે નોન-એશિયન ટીમો સામે વનડેમાં તેમના 50+ સ્કોરની સંખ્યા 96 થઈ ગઈ છે.કોહલીની આ સિદ્ધિ વધુ ખાસ એટલા માટે છે કારણ કે સચિન તેંડુલકર લાંબા સમય સુધી આ આંકડામાં આગળ રહ્યા હતા. હવે કોહલી આ યાદીમાં સૌથી આગળ પહોંચી ગયા છે.
https://x.com/sandeshnews/status/2104190942559326588?s=20
વનડેમાં 15 હજાર રનનો આંકડો પાર
વિરાટ કોહલીની આ ઇનિંગની સૌથી મોટી સિદ્ધિ વનડે ક્રિકેટમાં 15,000 રન પૂરા કરવી રહી. 59 રનના સ્કોર સુધી પહોંચતા જ કોહલીએ આ ઐતિહાસિક આંકડો પાર કર્યો હતો.આ સાથે તેઓ વનડે ક્રિકેટમાં 15,000 રન બનાવનારા વિશ્વના માત્ર બીજા બેટર બન્યા છે. આ પહેલાં માત્ર સચિન તેંડુલકર જ આ સિદ્ધિ મેળવી શક્યા હતા.જોકે, કોહલીએ આ મામલે સચિનનો વધુ એક મોટો રેકોર્ડ પોતાના નામે કરી લીધો છે. તેમણે વનડેમાં 15,000 રનનો આંકડો સૌથી ઓછી ઇનિંગમાં પાર કર્યો છે.સચિન તેંડુલકરે 15,000 વનડે રન પૂરા કરવા માટે 377 ઇનિંગ્સ લીધી હતી, જ્યારે વિરાટ કોહલીએ માત્ર 303 ઇનિંગ્સમાં આ આંકડો પાર કરી લીધો છે.
40 બોલમાં ફિફ્ટી, રેકોર્ડ પર રેકોર્ડ
વેસ્ટ ઈન્ડિઝ સામે કોહલીએ શરૂઆતથી જ રન બનાવવાની ગતિ જાળવી રાખી હતી. વિકેટ વચ્ચે ઝડપી દોડ અને ગેપમાં શોટ્સ ફટકારીને તેમણે ઇનિંગ આગળ વધારી હતી.અલ્ઝારી જોસેફ સામે છગ્ગો ફટકારીને 40 બોલમાં ફિફ્ટી પૂરી કર્યા બાદ કોહલીના નામે રેકોર્ડનો સિલસિલો શરૂ થયો હતો. નોન-એશિયન ટીમો સામે સૌથી વધુ 50+ સ્કોર અને વનડેમાં 15,000 રન જેવી બે મોટી સિદ્ધિઓ એક જ ઇનિંગ દરમિયાન તેમના નામે થઈ હતી.કોહલીની આ વાપસી ભારતીય ક્રિકેટ માટે પણ ખાસ રહી છે. લાંબા સમય બાદ વનડેમાં પરત ફરેલા સ્ટાર બેટરે પોતાની બેટિંગથી ફરી એકવાર બતાવ્યું કે મોટા રેકોર્ડની વાત આવે ત્યારે તેમનું નામ હંમેશા આગળ રહે છે.
આ પણ વાંચો - Shubman Gillએ વેસ્ટ ઈન્ડીઝ સામે લીધો બદલો, સદી ફટકારી આપ્યો જવાબ
