ભારતીય મહિલા ક્રિકેટ ટીમે ફરી એકવાર રેકોર્ડ આઠમી વખત મહિલા એશિયા કપનો ખિતાબ જીતીને પોતાનું વર્ચસ્વ સાબિત કર્યું. ફાઇનલમાં, ભારતે ડિફેન્ડિંગ ચેમ્પિયન શ્રીલંકાને એકતરફી 72 રનથી હરાવીને 2024 ના ટાઇટલ પરાજયનો બદલો લીધો. ભારત આ ટુર્નામેન્ટના તમામ આવૃત્તિઓમાં ફાઇનલમાં પહોંચ્યું છે અને દસમાંથી આઠ વખત ટ્રોફી જીતી છે.
શેફાલી વર્મા અને સ્મૃતિ મંધાનાએ અડધી સદી ફટકારી
ભારતીય ટીમે ટોસ જીતીને પહેલા બેટિંગ કરવાનો નિર્ણય લીધો હતો. ઓપનર સ્મૃતિ મંધાના અને શેફાલી વર્માએ ટીમને મજબૂત શરૂઆત અપાવી હતી, પ્રથમ વિકેટ માટે 129 રનની ભાગીદારી કરી હતી. શેફાલીએ વિસ્ફોટક બેટિંગ કરતા 39 બોલમાં 68 રન બનાવ્યા હતા, જેમાં 9 ચોગ્ગા અને 2 છગ્ગાનો સમાવેશ થાય છે. ત્યારબાદ સ્મૃતિ મંધાના 39 બોલમાં 59 રન (5 ચોગ્ગા અને 3 છગ્ગા) બનાવીને આઉટ થઈ ગઈ.શરૂઆતમાં બંને ટીમો જે રીતે બેટિંગ કરી રહી હતી, તે જોતાં એવું લાગતું હતું કે ભારત સરળતાથી 200 રનનો આંકડો પાર કરી લેશે. જોકે, પહેલી વિકેટ પડતાં ભારતીય ઇનિંગ્સ અચાનક પડી ભાંગી. ટીમે આગામી ચાર વિકેટ માત્ર 54 રનમાં ગુમાવી દીધી. રિચા ઘોષે 17, કેપ્ટન હરમનપ્રીત કૌરે 14 રન બનાવ્યા, જ્યારે જી. કમલિની 15 રન બનાવીને અણનમ રહી. શ્રીલંકાના બોલરોએ જોરદાર વાપસી કરી, જેમાં મિતાલી અયોધ્યા, ચમારી અતાપટ્ટુ અને ચામુદી પ્રબોધે એક-એક વિકેટ લીધી.