મોરબી જિલ્લામાં લૂંટની ઘટના સામે આવી હતી. આ લૂંટની ઘટના બાદ પોલીસ દ્વારા તેરા તુજકો અર્પણ કાર્યક્રમ હેઠળ ચોરીની રોકડ રકમ મૂળ માલિકને પરત કરવામાં આવી હતી. પોલીસે 5.19 લાખ રૂપિયા જેટલી મોટી રકમ મૂળ માલિકને પરત કરતા ફરિયાદીએ પોલીસનો આભાર માન્યો હતો. આ સાથે ફરિયાદીએ પોલીસની કામગીરીના વખાણ પણ કર્યા હતા.
ઘટનાની વિગત
ઘટનાની મળતી માહિતી અનુસાર, મોરબી જિલ્લાના હળવદ શહેરમાં લુંટની રકમ તેરા તુજકો અર્પણ કાર્યક્રમ અંતર્ગત ફરીયાદીને પરત કરવામાં આવી હતી. ડિસેમ્બરમાં હળવદ માર્કેટિંગ યાર્ડના વેપારી રજનીકાંત દેથરીયા પાસેથી આરોપીઓ દ્વારા બાઈક પર આવીને મરચું પાઉડર આંખોમાં નાંખીને 6.90 લાખની લૂંટ કરવામાં આવી હતી.
