જૂનાગઢમાં ગેરકાયદેસર ફટાકડાનો સંગ્રહ કરનાર વેપારી ઝડપાયો છે અને 32.63 લાખના ફટાકડાના જથ્થા સાથે વેપારીની ધરપકડ કરી છે, પોસ્ટ ઓફિસ રોડ ઉપરની જલારામ સીઝન સ્ટોરમાં પોલીસે દરોડા પાડયા હતા અને ફટાકડા વેચાણ કરવા કે સંગ્રહ કરવાની પરવાનગી વગર રખાયો હતો જથ્થો, માનવ જિંદગી જોખમાય અને ફાયર સેફટીની સુવિધા નહોતી તેને લઈ વેપારી સામે ગુનો નોંધાયો છે.
નયન ભાયાણી નામના વેપારી સામે ગુનો નોંધી કરી કાર્યવાહી
જૂનાગઢમાં પોસ્ટ ઓફિસ રોડ પર આવેલ સીઝન સ્ટોરમાં વેપારીએ ગેરકાયદેસર રીતે ફટાકડાનો જથ્થો રાખ્યો હતો અને તેના કારણે લોકોની જિંદગી જોખમમાં મૂકાય તેવું પોલીસને લાગ્યું હતુ અને ગુનો નોંધ્યો હતો, તો આ વેપારી પાસે ફટાકડા રાખવા માટે કોઈ પરવાનગી હતી અને ફટાકડા વેચાણને લઈ કોઈ મંજૂરી નહી હોવાથી પોલીસે ફટાકડાના જથ્થા સાથે વેપારીની ધરપકડ કરી છે. જુનાગઢ સ્પેશિયલ ઓપરેશન ગ્રુપે આ દુકાનમાં તપાસ કરી હતી.